আমোষ 8:9 - Chakma Bible

⁹ প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

আমোষ 8:9 ပူးပေါင်းရင်းမြစ်များ

ইয়োব 5:14

দিনোত্‌ তারা উগুরে আন্ধার্‌ লামি এজে; দিবুজ্যে তারা রেদো ধোক্ক্যেন্ বিজিরে বিজিরে বেড়ায়।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 15:9

সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিহিষ্কেল 32:7

তরে শেজ্ গুরি দিবার সময় মুই আগাজ্‌‌‌‌‌‌চান নাঢি দিম আর তারাগুন্ কালা গুরি দিম; মেঘ্‌‌‌‌‌‌কোই মুই বেলানরে নাঢি দিম আর চানানে পহ্‌‌‌‌‌‌র ন-দিবো।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মার্ক 15:33

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

লূকে লেখ্যে গম্ হবর্ 23:44

সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্‌রান্ বন্ধ গুরিলো আর গোদা দেশ্‌চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।