আমোষ 8:7 - Chakma Bible

⁷ লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

আমোষ 8:7 ပူးပေါင်းရင်းမြစ်များ

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

গীতসংহিতা 10:11

তে মনে মনে কয়, “ইন্দি গোজেনর্ খিয়েল্ নেই; তে মুয়োন্ ফিরেই আঘে, কনদিন্‌‌অ ন-দেগিবো।”

গীতসংহিতা 47:4

তেয়ই আমা সোম্বোত্তিগানি বেঈ রাগেয়্যে; সিয়েন তার্ কোচ্‌পানার মানুচ্ যাকোবর বার্‌বো গুরিবার কধা।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

গীতসংহিতা 68:34

ফগদাং গরঅ, গোজেনে খেমতাবলা; তার মহিমাগান্ ইস্রায়েল উগুরে আঘে আর দেবাবো সং তা খেমতাগান আঘে।

যাত্রা 17:16

মোশি কলঅ, “লগেপ্রভুর্‌ সিংহাসনর বিরুদ্ধে আত্‌ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্‌ বিরুদ্ধে থেবঅ‌।”

যিশাইয় 22:14

বেগত্তুন্ খেমতাবলা প্রভু লগেপ্রভু মঅ ইদু এ কধাগান ফগদাং গোজ্যে, “ তমার্ মরণ সময়োত্অ এ পাপ্পান খেমা গরা ন-অবঅ। মুই বেগত্তুন্ খেমতাবলা প্রভু লগেপ্রভু এ কধাগান কঙর্।”

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিরমিয় 17:1

লগেপ্রভু কোইয়্যেদে, যিহূদার পাপ্‌পান লুয়োর্ কলম্বোই লেগা ওইয়্যে, হীরা কাবনিলোই তারার চিদোত্, তারার পুজোবো শিঙো উগুরে কাবিনে লেগা ওইয়্যে।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 44:21

“যিহূদার আদাম আর শঅরানিত্ আর যিরূশালেমর পধে পধে তুমি আর তমা পুরোণি মানুচ্চুনে, তমা রাজাগুনে আর রাজার চাগরুনে আর দেজর্ অন্য মানুচ্চুনে যে আগর্‌বাট্টি জ্বালেদাক্ সিয়েনি কি লগেপ্রভুর মনত্ ন-পড়ে আর সে পৌইদ্যেনে কি তে চিদে ন-গরে?

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

আমোষ 4:2

প্রভু লগেপ্রভু নিজো পবিত্রতালোই শমক্ গুরি কোইয়্যেদে, সে অক্তত্ হামাক্কায় এবাক্ যেক্কে হেবা লাগেইনে তমারে টানিনে নেযা অবঅ; তমারে বেক্কুনোরে বুজ্জিলোই টানি নেযা অবঅ।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”