আমোষ 8:5 - Chakma Bible

⁵ তুমি কত্তে, “কক্ক্যে আঙোস্যেগান্ যেবগোই যেনে আমি শোজ্যনি বিজি পারিই? কক্ক্যে জিরেবার দিন্নো থুম্ অবঅ যেনে আমি বাজারত্ গম্ বেজি পারিই? আমি মাবেদে আড়িবো চিগোন গুরিবোং, দাম্ বাড়েবং, ঠগাইদ্যে পাল্লাবো বেবহার গুরিবোং,

আমোষ 8:5 ပူးပေါင်းရင်းမြစ်များ

২ রাজাবলী 4:23

তা নেক্কো কলঅ, “তাইদু এচ্ছ্যে কিত্তে যেবে? এচ্ছ্যে দঅ আঙোস্যেয়ো নয়, জিরেবার দিনঅ নয়।” তে কলঅ, “সেক্কে গম্‌ অবঅ।”

গম্ উপদেজ্ 11:1

ঠগাইদ্যে পাল্লাবো লগেপ্রভু ঘিনাই, মাত্তর্ যগাজ্যে সিলুনোত্তে তে হুজি অয়।

গম্ উপদেজ্ 16:11

যগাজ্যে পাল্লাবো আর মাপ্পান্ লগেপ্রভুর; থৈল্যেবোর ঠিগ্ শিলুন তা চোগেদি গম্।

গম্ উপদেজ্ 20:23

লগেপ্রভু মাবদি কম্ সিলুন্ ঘিনেই; ঠগাইদে পাল্লাবো গম্ নয়।

যিশাইয় 1:13

বাজে উৎসর্বর জিনিস তুমি আর ন-আন্য। তমার্ আগর্‌বাট্টি জ্বালানা মর্ ঈচ্ লাগে। আঙোস্যে, জিরেবার্ দিন আর ধর্মীয় তেম্মাং-তমা পাপত্তে মুই এ তেম্মাঙানি সোজ্য গুরি ন-পারং।

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

হোশেয় 12:7

লগেপ্রভু কত্তে, “ব্যবসায়ী ইফ্রয়িমে ঠগাইদ্যে পাল্লা বেবহার গরে; তে জোরজুলুম গত্তে গম্‌‌‌পায়।‌

হোশেয় 12:8

তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্‌‌‌জ্যে মর্ কনঅ দুষ বা পাপ তোগেইনে ন-পেবাক্।’

লেবীয় 19:36

তমার পাল্লাবো, সিলুন্‌ আর অন্যান্য মাবর্‌ জিনিস্‌চানি যেন ঠিগ্ অয়। মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং।

সখরিয় 5:6

মুই পুযোর্ গুরিলুং, “সিয়েন কি?” জোবত্ তে কলঅ, “সিবে এক্কো মাবেদে পিলে।” তে আরঅ কলঅ, “সিবে পুরো দেজর্ অন্যেয়গুরিয়্যেগুনোর ফোটু।”

সখরিয় 5:8

সেই স্বর্গদূত্‌‌‌‌‌‌‌তো কলঅ, “ইয়েন অলঅ পাজি কাম্।” ইয়েন কোইনে তে সেই মিলেবোরে সেই পিলেবো ভিদিরে ঠিলি দিইনে পিলেবো মুয়োনত্ সীজের্ ঢাগনিগান চাবি দিলো।

মালাখি 1:13

তুমি তুচ্ছো গুরিবার মনোভাব্‌‌‌পোই ইয়েন অ কোই থাগঅ, ‘ইয়েন কি জ্বালা!’ তুমি দঅ লুদেয়্যে, লেং আদুড়্ বা পীড়েই ধোজ্যে য়েমান্ আনিনে উৎসর্বর অনুষ্ঠানত্তে দুয়ো, মাত্তর্ সিয়েন কি মুই তমা আঢত্তুন্ নেযেই পারং? মুই লগেপ্রভু এ কধাগান কঙর্।

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

১ শমূয়েল 20:5

দায়ূদে কলঅ, “চাহ্, কেল্যে আঙোস্যের্‌ পরব্‌। রাজার লগে মর্‌ হেবাত্তে বঝিবার্‌ কধা আাঘে। মাত্তর্‌ তুই মরে যেবাত্তে দে। মুই পোরশু রেত্‌ সং মাদ ভিদিরে পৌল্যেই থেম্‌।