আমোষ 8:4 - Chakma Bible

⁴ তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

আমোষ 8:4 ပူးပေါင်းရင်းမြစ်များ

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

ইয়োব 24:4

তারা পথ্‌তানিত্তুন্ নাঢা মানুচ্চুনোরে ধাবেই দুয়োন; তারাত্তে দেজর বেগ্ নাঢা মানুচ্চুনে পোল্যেই থান্।

গীতসংহিতা 10:7

তা মুয়োন্ অভিশাবে, ঠোগেয়্যে আর অত্যেচারর্ কধালোই ভরা; তা জিলানত্ রোইয়্যেদে অন্যেয় আর ভান্ন্যেয়র্ কধা।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গীতসংহিতা 140:12

মুই হবর্ পাং লগেপ্রভু দুঘিমানুচ্চুনোর্ তপ্পে রায় দিবো আর নাঢা মানুচ্চুনোত্তে দোল্ বিচের গুরিবো।

গীতসংহিতা 56:1

ও গোজেন, মঅ উগুরে দোয়্যে গর্, কিত্তেই মান্‌জ্যে মরে লড়াদন্; নিত্য যুদ্ধো গুরিনে তারা মরে দুঘ্ দেদন।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিশাইয় 28:14

সেনত্তে ও ঠাট্টা-মশ্‌কারি গুরিয়্যেগুন্, তুমি যিগুনে যিরূশালেমত্ এ মানুচ্চুনোরে শাজন্ গুরি থাগঅ, তুমি লগেপ্রভুর কধানি শুনো।

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

যিহিষ্কেল 45:10

তুমি ঠিগ্ আগেদে পাল্লা আর অন্য মাবর্ জিনিসপাদি বেবহার গরঅ।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 7:16

সালে ইক্কিনে তুই লগেপ্রভুর কধা শুন্। তুই কত্তে, ‘ইস্রায়েল বিরুদ্ধে ভাববাদী ইজেবে কধা ন-কোচ্ আর ইস্‌হাকর বংশর বিরুদ্ধে ফগদাং ন-গুরিচ্।’

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

সখরিয় 5:6

মুই পুযোর্ গুরিলুং, “সিয়েন কি?” জোবত্ তে কলঅ, “সিবে এক্কো মাবেদে পিলে।” তে আরঅ কলঅ, “সিবে পুরো দেজর্ অন্যেয়গুরিয়্যেগুনোর ফোটু।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যাকোব 5:6

তুমি নিদ্দুজিগুনোরে দুযি গোজ্জ্য আর মারে ফেল্ল্য, আর তারা তমারে মানা ন-গরন্।