আমোষ 8:2 - Chakma Bible

² তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

আমোষ 8:2 ပူးပေါင်းရင်းမြစ်များ

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

যিশাইয় 28:4

ইফ্রয়িমর্ বাঈনীগোজ্যে সেই শুগেই যেইয়্যে মালাবো যিবে এক্কো বোল্‌‌‌বোল্যে কলগ মাঢা উগুরে আঘে, সিবে পত্তমে পাগানা ডোমোর্ গুলো ধোক্ক্যেন্ শেজ্ ওই যেবঅ; কনজনে সিবে দেগিলে আঢত্ লোইনে গিলি ফেলেবাক্।

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

আবিলেচ্ 4:18

মান্‌জ্যে আমাত্তেই হাফ্ দি থেদাক্, সেনত্তে আমি আমা মেলা জাগানিত্ আঢি ন-পারিদোং। আমা শেজ কাল কায়-কুরে এলঅ, আমা দিনুন্ ফুরেই যেইয়্যে, কিত্যে আমার শেজ সময়ান্ লুম্মেগি।

যিহিষ্কেল 12:23

তারারে কঅ, প্রভু লগেপ্রভু কোইয়্যেদে, ‘মুই সেই মুয়ো কধাগান বাদ্ দি দিম; ইস্রায়েলত্ সেই কধাগান আর কনজন ন-কবাক্।’ সিয়েনর বদলে তারারে কঅ, ‘দিন এই যেইয়্যে, ইক্কিনে পত্তি দর্শন ফলিবো।

যিহিষ্কেল 29:8

সেনত্তে মুই প্রভু লগেপ্রভু কঙর্, মুই তঅ বিরুদ্ধে যুদ্ধো আনিনে তঅ মানুচ্চুনোরে আর য়েমানুনোরে মারে ফেলেম।

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

যিহিষ্কেল 7:6

শেজ্ সময়ান এচ্চ্যে! তমা বিরুদ্ধে সিয়েন জাগি উঠ্যে, সিয়েন লুম্মেগি!

যিহিষ্কেল 8:12

তে মরে কলঅ, “ও মান্‌‌জ্যর পুয়োবো, ইস্রায়েলীয়গুনোর বুড়ো নেতাগুনে আন্ধারত্ পত্তিজনে নিজোর্ নিজোর্ ঘরত্ মূত্তিগুনো ইধু কি গত্তন্ সিয়েন কি তুমি বুঝি পাজ্য? তারা কদন্, ‘লগেপ্রভু আমারে ন-দেগে, কিত্যে তে দেজ্‌‌‌চান ছাড়ি যেয়েগোই।’”

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

আমোষ 7:8

তে মরে কলঅ, “আমোষ, তুই কি দেগর্?” জোবত্ মুই কলুং, “এক্কান ওলনদুড়ি।” সেক্কে প্রভু কলঅ, “মঅ মানুচ্ ইস্রায়েলর মাধ্যমে মুই এক্কান ওলনদুড়ি থোইয়োং; মুই আর্ তারারে ছাড়ি ন-দিম।

আমোষ 8:1

প্রভু লগেপ্রভু মরে আর এক্কান দর্শন দেগেল। মুই দেগিলুং, এক কাল্লোং পাগানা ফল।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

সখরিয় 5:2

তে মরে কলঅ, “তুই কি দেগর্?” জোবত্ মুই কলুং, “মুই কুড়ি আঢ্ লাম্বা আর দশ আঢ্ পাদাজ্যে এক্কো উড়েদে বোই দেগঙর্।”