আমোষ 8:11 - Chakma Bible

¹¹ প্রভু লগেপ্রভু কত্তে, “এবাবোত্যে বেক্ দিনুন্ এজের্ যেক্কে মুই দেজ ভিদিরে ভাদরাদ্ পাদেম। সিবে হানার্ ভাদরাদ্ বা পানি তিরেজ নয় মাত্তর্ লগেপ্রভুর কধা শুনিবার রাদ্।

আমোষ 8:11 ပူးပေါင်းရင်းမြစ်များ

২ বংশধর 15:3

ইস্রায়েলীয়গুনে ভালোক্‌ দিন ধুরিনে সত্য গোজেন বাদে, শিক্ষ্যে দিবাত্তে ধর্মগুরু বাদে আর রীদি-সুদোম বাদে চলদন্‌।

গীতসংহিতা 74:9

আমাত্যে কনঅ আমক্ অবার কাম গরা অর্ এবাবোত্যে দঅ আর মুই ন-দেগং; কনঅ ভাববাদিয়ো আর নেই; এবাবোত্যে যে আর কয়দিন্ চলিবো সিয়েন আমাত্তুন কনজনে হবর্ ন-পান্।

গম্ উপদেজ্ 29:18

যিয়েনত্ ভাববাদীগুনোর ভিদিরেদি গোজেনে তার সত্যগান ফগদাং ন-গরে সে জাগার মানুচ্চুনে হযবরল অন; মাত্তর্ সে মানুচ্চো বর্ পেইয়্যে যে লগেপ্রভুর সুদোমানি মানি চলে।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিহিষ্কেল 7:26

দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

১ শমূয়েল 28:15

শমূয়েল শৌলরে কলঅ, “কিত্তে তুই মরে তুলি আনিনে কাঙেলেত্যে গুরিলে?” শৌল কলঅ, “মুই অমকদ দজাত্ পোজ্যং। ইন্দি পলেষ্টীয়গুনে মঅ বিরুদ্ধে যুদ্ধো গত্তন্‌ আর উন্দি গোজেনে মরে ছাড়িনে যেয়্যেগোই। তে আর মর্‌ ডাগানালোই ন-শুনিলো-ভাববাদীগুনোর মাধ্যমেও ন-দিলো, স্ববনর্ মাধ্যমেও ন-দিলো। সেনত্যে ইক্কিনে মত্তুন্‌ কি গরানা উজিত্‌ সিয়েন জানিবাত্তে তরে ডাগি আন্যং।”

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ