আমোষ 7:2 - Chakma Bible

² সিগুনে যেক্কে দেজর্ য়্যেল্ গাজ-বাজ্ হেইনে শেজ্ গুরি দিলাক্ সেক্কে মুই কোজোলী গুরিনে কলুং, “ও প্রভু লগেপ্রভু, খেমা গর্। যাকোবে কেধোক্ক্যেন গুরি বাঁজি থেবঅ? তে দঅ অমকদ চিগোন্।”

আমোষ 7:2 ပူးပေါင်းရင်းမြစ်များ

গীতসংহিতা 12:1

ও লগেপ্রভু, রোক্ষ্যে গর্, তর্ ভক্তগুনে আর্ নেই; বিশ্বেজি মানুচ্ মান্‌‌জ্য ভিদিরেত্তুন্ উদি যেয়োন্দোই।

যাত্রা 10:15

সে পুগ্-যুগ্‌কুনে পুরো দেজছানত্‌ এমন্‌গুরি ছিদি পড়িলাক্, মাদি উগুরেদি কালা গুরি দেগা যেদঅ। মাদত্‌ য়েল্‌ বাবোত্যে বেক্কানি আর গাজত্‌ যিদুক্কুন্‌ গুলো শিলো-ঝড়ত্তুন্‌ রেহাই পেইয়োন্‌ সিগুন্‌ বেক্কুন্‌ তারা হেই ফেলেলাক্। পুরো মিসর দেজর্‌ গাছ-গাছরাগুনোত্‌ য়েল্‌ বাবোত্যে আর কিচ্চু ন-রলঅ।

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 51:19

ভস্ত, দজা, ভানা আর যুদ্ধো-এ দ্বিবাবোত্যে দজা তমা উগুরে লুম্মেগি। কন্না তরে বুঝেই পারে? মুই কেধোক্ক্যেন গুরি তরে বুঝেম?

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিহিষ্কেল 11:13

মুই যেক্কে ভাববাদী ইজেবে কধা কোইয়োং সেক্কে বনায়র পুয়ো প্লটিয় মুরি গেলঅ। সেক্কে মুই মাঢা নিগিরি পড়িনে আবেগ সমারে দাঙর্ দাঙর্ গুরি কলুং, “হায়, প্রভু লগেপ্রভু! তুই কি ইস্রায়েলর বাদবাগি মানুচ্চুনোরে বেক্কুনোরে শেষ্ গুরি দিবে?”

যিহিষ্কেল 9:8

মুই সেক্কে উবোসনা-ঘরত্ গায় গায় এলুং। সে অক্তত্ মুই মাঢা নিগিরি পড়িনে আবেগ সমারে কলুং, “হায়, প্রভু লগেপ্রভু! যিরূশালেম উগুরে তঅ রাগ্‌‌‌‌কান ঢালি দিইনে তুই কি ইস্রায়েলর বাদবাগি বেক্কুনোরে ভস্ত গুরি ফেলেবে?”

দানিয়েল 9:19

ও প্রভু, শুন। ও প্রভু, খেমা গর্। ও প্রভু, মনযোগ দে, কিজু গর্। ও মর্ গোজেন, তর্ সুনাঙান্ রোক্ষ্যে গুরিবাত্তে আর দেরি ন-গুরিচ্, কিত্যে তর্ শঅরান আর তঅ মানুচ্চুন তঅ নাঙেই চিনেজানা।”

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

আমোষ 7:5

সেক্কে মুই কোজোলী গুরি কলুং, “ও প্রভু লগেপ্রভু, মুই কোজোলী গরঙর্ তুই থামা। যাকোবে কেধোক্ক্যেন গুরি বাঁজিবো? তে দঅ অমকদ চিগোন।”

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

ফগদাং পেইয়্যে 9:4

সিগুনোরে কুয়ো অলঅ তারা যেন পিত্‌থিমীর কনঅ ঘাস বা য়্যেল্ কনঅ কিজু বা কনঅ গাজর্ ক্ষোতি ন-গরন; বানা যে মানুচ্চুনোর কবালত্ গোজেনর্ সীলমহ্‌র নেই তারারে ক্ষোতি গরন্।