আমোষ 7:17 - Chakma Bible

¹⁷ সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 7:17 ပူးပေါင်းရင်းမြစ်များ

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

যিশাইয় 13:16

তারা চোগো মুজুঙোত্ চিগোন পুয়োগুনোরে আজেরেনে মারা অবঅ; তারার্ ঘরানি লুদো অবঅ আর মিলেগুনোরে জাবা অবঅ।

যিশাইয় 22:18

তে তরে দরমর গুরি গুজেইনে বল ধোক্ক্যেন্ গুরি এক্কান দাঙর্ দেজত্ ফেলেই দিবো। সিয়েনত্ তুই মুরি যেবে, আর তর্ দোল্ দোল্ রথ্‌তানি সিয়েনত্ পড়ি থেবঅ। তুই তঅ গিরোজ্‌‌‌সো রাজঘরান অসর্মান গোজ্যস্।

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 28:12

হনানিয় জুঙোলান্ ভাঙি ফেলেবার কয়েকদিন পরেদি লগেপ্রভুর এ কধাগান যিরমিয় ইধু ফগদাং অলঅ,

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 29:21

কোলায়র পুয়ো আহাব আর মাসেয়র পুয়ো সিদিকিয়, যিগুনে মঅ নাঙে তমা ইধু মিজে কধা কদন্ তারা পৌইদ্যেনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই বাবিলোর রাজা নবূখদ্‌নিৎসর আঢত্ তারারে তুলি দিম্, আর তে তমা চোগো মুজুঙোত্ তারারে মারে ফেলেব।

যিরমিয় 29:25

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুই নিজো নাঙে যিরূশালেমর বেক মানুচ্চুনো ইধু, মাসেয়র পুয়ো ধর্মগুরু সফনিয় ইধু আর অন্য বেক ধর্মগুরুগুনো ইধু চিদি পাদেয়োচ্।

আবিলেচ্ 5:11

সিয়োনত্ মিলেগুনোরে বর্‌বাত্ লাগা ওইয়্যে; যিহূদার আদামত্ আর শঅরত্ বর্‌বাত্ লাগা ওইয়্যে গাবুজ্যে মিলেগুনোরে।

যিহিষ্কেল 4:13

যিদুক্কুন জাদ ভিদিরে মুই ইস্রায়েলীয়গুনোরে ধাবেই দিম্ তারা ভিদিরে থেবার অক্তত্ তারা এবাবোত্যেগুরি অসিজি হানা হেবাক্।” এ কধাগান লগেপ্রভু কোইয়্যেদে।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

আমোষ 6:7

সেনত্তে যিগুনে বন্দী ওইনে অন্য দেজত্ যেবাক্ তারা ভিদিরে তুমিই অবা পত্তম; সেক্কে তমার্ বলান্যে হানা আর কিয়্যে টানানা শেজ্ অবঅ।

আমোষ 7:11

আমোষে কত্তে, ‘যারবিয়ামরে লাম্বা ছুরিলোই মারে ফেলা অবঅ আর ইস্রায়েলে ঘেচ্চেকগুরি তা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 8:1

প্রভু লগেপ্রভু মরে আর এক্কান দর্শন দেগেল। মুই দেগিলুং, এক কাল্লোং পাগানা ফল।

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

আমোষ 9:8

মঅ চোগ্‌‌কুন ঘেচ্চেকগুরি এই পাপে ভরা রেজ্যগান উগুরে রোইয়োন। পিত্‌‌থিমীর বুগোত্তুন্ মুই সিয়েন ভস্ত গুরি দিম; তো মুই যাকোবর বংশবোরে পুরোপুরি গুরিনে ভস্ত ন-গুরিম।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।