আমোষ 7:15 - Chakma Bible

¹⁵ মাত্তর্ লগেপ্রভু মরে ভেড়া পালর দেগাশুনোর্ কামত্তুন্ লোই আনিনে কলঅ, ‘তুই যেইনে মঅ মানুচ্ ইস্রায়েল ইধু ভাববাদী ইজেবে কধা কঅ।’

আমোষ 7:15 ပူးပေါင်းရင်းမြစ်များ

২ শমূয়েল 7:8

ইক্কিনে তুই মঅ চাগর দায়ূদরে কঅ, বেগত্তুন্‌ খেমতাবান লগেপ্রভু এ কধাগান কত্তে, মঅ মানুচ্‌ ইস্রায়েলীয়গুনোর শাজন্‌গুরিয়্যে অবাত্তে মুয়ই তরে এ্যমান চোড়েবার্‌ হলাত্তুন্‌, ভেড়া পালর্‌ পিচ্ছোত্তুন্‌ অান্যং।

১ রাজাবলী 19:19

পরেন্দি এলিয় সিয়োত্তুন্‌ আঢি যেইনে শাফটর পূঅ ইলীশায়র দেগা পেলঅ। তে বার জড়া বলদ্‌তোই ভূইয়ান্‌ চাজ্‌ গুরিদো আর তে নিজে শেজ্‌ জড়াবোলোই আল্ চুয়োর্‌। এলিয় তাইদু যেইনে নিজোর্‌ কিয়্যের্ কাবড়ান্‌ তা কিয়্যেত্‌ ফেলেই দিলো।

যিরমিয় 1:7

মাত্তর্ লগেপ্রভু মরে কলদে, “তুই চিগোন গুরো ধোক্ক্যেন এ কধাগান ন-কোচ্। মুই যিগুনো ইধু তরে পাদেম্ তারার পত্তি জন ইধু তুই যেবে আর মুই যিয়েন কবাত্তে উগুম্ গুরিম সিয়েনই কবে।

যিরমিয় 26:12

সেক্কে যিরমিয় বেক রাজকর্মচারীগুনোরে আর বেক মানুচ্চুনোরে কলঅ, “তুমি এ ঘরানি আর শঅরানি বিরুদ্ধে যিয়েন শুন্ন্য সে কধানি কবাত্তে লগেপ্রভু মরে পাদেয়্যে।

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

প্রেরিত্‌ 5:20

“যঅ, উবোসনা-ঘরত্ থিয়্যেইনে মানুচ্চুনো ইধু উমর জিংকানি পৌইদ্যেনে বেক্‌ কধানি কঅ।”

১ শমূয়েল 10:11

যিগুনে শৌলরে আগেত্তুন্‌ ধুরি চিনিদাক্ তারা তারে ভাববাদীগুনো সমারে গোজেনর দিয়্যে কধা কদে দেগিনে একজন আরেকজনরে কুয়া ধুরিলাক্, “কীশর পূঅবোর ইয়েন কি অলঅ? শৌলেয়ো কি সালে ভাববাদীগুনো ভিদিরে একজন?”