আমোষ 6:2 - Chakma Bible

² তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

আমোষ 6:2 ပူးပေါင်းရင်းမြစ်များ

পত্থম 10:10

শিনিয়র দেজর বাবিল, এরক, অক্কদ আর কল্‌নী নাঙে জাগায়ানি লোইনে তে রাজাগিরি গরানা আরাম্ভ গুরিলো।

২ শমূয়েল 8:9

হমাতর রাজা তয়ি শুনিলোদে, দায়ূদে হদদেষরর পুরো সৈন্যদলুনোরে ওদেই দিলো।

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

২ রাজাবলী 17:30

এধোক্ক্যেনগুরি বাবিলো মানুচ্চুনে বানেলাক্‌ সুক্কোৎ-বনোতর মূত্তি, কূথের মানুচ্চুনে বানেলাক্‌ নের্গল মূত্তি, হমাতর মানুচ্চুনে বানেলাক্‌ অশীমার মূত্তি,

২ রাজাবলী 18:34

হমাৎ আর অর্পদর দেবেদাগুনে কুদু? সফর্বয়িম, হেনা আর ইব্বার দেবেদাগুনে কুদু? তারা কি মঅ আঢত্তুন্‌ শমরিয়াগানরে রোক্ষ্যে গুরি পাজ্যন্‌?

২ রাজাবলী 19:13

হমাতর রাজা, অর্পদর রাজা, সফর্বয়িম শঅরর্‌ রাজা বা হেনা আর ইব্বার রাজাগুনে কুদু?’ ”

২ বংশধর 26:6

তে পলেষ্টীয়গুনো বিরুদ্ধে যুদ্ধো গুরিলো আর গাৎ, যব্‌নির আর অস্‌দোদ দেবালান্‌ ভাঙি ফেলেল। সে পরেন্দি তে অস্‌দোদ চাগালাত্‌ আর পলেষ্টীয়গুনোর অন্য জাগায়ানিত্‌ কয়েক্কান্‌ দেবাল-ঘিজ্যে আদাম আরঅ তুলিলো।

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

নহূম 3:8

ও নীনবীগান, তুই কি নো-আমোনানত্তুন্ বেশ্ গম্? তে দঅ য়্যেল্ গাঙ পারত্ এলঅ আর তা চেরোকিত্তে ঘিজ্যে এলঅ পানিগান। গাঙান্ এলঅ তার রোক্ষ্যের্ দেবালান।

১ শমূয়েল 17:23

তে যেক্কে ভেইয়ুনো লগে কধা কোইয়্যে সেক্কে গাৎ শঅরর্‌ সেই পলেষ্টীয় বীরবো গলিয়াৎ তার সৈন্যদলুনোত্তুন্‌ নিগিলিনে আগ ধোক্ক্যেন কধা কুয়া ধুরিলো, আর দায়ূদে সিয়েন শুনিলো।

১ শমূয়েল 17:4

পলেষ্টীয়গুনোর পক্ষত্তুন্‌ গলিয়াৎ নাঙে এক্কো বীর যোদ্ধা তারার সৈন্যদলত্তুন্‌ নিগিলি এলঅ। তে এলদে গাৎ শঅরর্‌ মানুচ্‌। লাম্বান্দি তে এলদে সাড়ে ছয় আত্‌।

১ শমূয়েল 5:10

সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”

১ শমূয়েল 5:8

সেনত্যেই তারা মানুচ্‌ পাদেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত ডাগি আনিনে পুযোর্ গুরিলাক, “ইস্রায়েলীয়গুনোর গোজেনর সুন্দুক্কো নেযেইনে আমি কি গুরিবোং?” তারা কলাক্, “ইস্রায়েলীয়গুনোর গোজেনর সুন্দুক্কো গাত শঅরত্‌ নেযা ওক্।” সেক্কে অস্‌দোদর মানুচ্চুনে ইস্রায়েলীয়গুনোর গোজেনর সুন্দুক্কো গাদত্‌ নেযেলাক।