আমোষ 6:14 - Chakma Bible

¹⁴ বেগত্তুন্ খেমতাবলা গোজেন লগেপ্রভু কোইয়্যেদে, “ ইস্রায়েলর মানুচ্চুন, মুই তমা বিরুদ্ধে এক্কো জাদরে পাদেম। সে জাদ্‌তো‌‌ হমাৎ চাগালাত্তুন ধুরি দোগিণেদি অরাবা কলগ সং বেক্ জাগানিত্ তমা উগুরে অত্যেচার গুরিবো।”

আমোষ 6:14 ပူးပေါင်းရင်းမြစ်များ

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

২ রাজাবলী 14:25

ইস্রায়েলর গোজেন লগেপ্রভু তা চাগর্‌ গাৎ-হেফরর্‌ অমিত্তয়র পুয়ো ভাববাদী যোনার মাধ্যমে যে কধাগান কোইয়্যে সে কধা মজিম্ যারবিয়ামে হমাৎ চাগালাত্তুন্‌ অরাবার দোজ্যে সাগর্‌ সং আগেন্দি ইস্রায়েলর রেজ্যর্‌ যে দুযিগান্‌ এলঅ সিয়েন্‌ আরঅ নিজোর্‌ গজকত্ ফিরেই আনিলো।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিহিষ্কেল 47:20

পোজিমেদি দুযিগান অবঅ ভূমধ্য সাগর সং লেবো-হমাতর্ উই কিত্তেদি সং। ইয়েনই অবঅ পোজিমেদি দুযিগান।

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।