আমোষ 6:13 - Chakma Bible

¹³ তুমি লো-দবার (যিয়েনর্ ভেদ্‌তান্ কিচ্ছু নয়) জয় গোজ্য বিলিনে ফুত্তি গুরি থাগঅ, আরঅ কোই থাগঅ, “আমি কি নিজো বল্লোই কর্ণয়িম (যিয়েনর্ ভেদ্‌তান্ ‘বোলী শিং’) অধিকার ন-গুরিই?”

আমোষ 6:13 ပူးပေါင်းရင်းမြစ်များ

২ রাজাবলী 13:25

সেক্কে যিহোয়াহসর পুয়ো যিহোয়াশে সেই বেক্‌ শঅরানি আরঅ গজক গুরি নেযেল যিয়েনি হসায়েলর পুয়ো বিন্‌হদদে তা বাপ্পো যিহোয়াহসত্তুন্‌ যুদ্ধোত্ জিদিনে নেযেয়্যে। যিহোয়াশে তিনবার বিন্‌হদদরে যুদ্ধোত্‌ ওদেই দিইনে ইস্রায়েলীয় শঅরানি উদ্ধোর্‌ গুরি নিলো।

২ রাজাবলী 14:25

ইস্রায়েলর গোজেন লগেপ্রভু তা চাগর্‌ গাৎ-হেফরর্‌ অমিত্তয়র পুয়ো ভাববাদী যোনার মাধ্যমে যে কধাগান কোইয়্যে সে কধা মজিম্ যারবিয়ামে হমাৎ চাগালাত্তুন্‌ অরাবার দোজ্যে সাগর্‌ সং আগেন্দি ইস্রায়েলর রেজ্যর্‌ যে দুযিগান্‌ এলঅ সিয়েন্‌ আরঅ নিজোর্‌ গজকত্ ফিরেই আনিলো।

ইয়োব 31:25

মঅ নিজো আঢ্‌তোই যে সোম্বোত্তিগানি মুই পেইয়োং সে সোম্বোত্তি গানিলোই যুনি মুই রঙ্গ ফুত্তি গুরি থাং,

ইয়োব 31:29

মঅ শত্রুগুনোর্ দুঘোত্ রঙ্গ ফুত্তি ন-গরং বা তার দুঘো অক্তত্ হুজি ন-অং।

ইয়োব 8:14

যিবে উগুরে তে বিশ্বেজ্‌ গরে সিবে দরমর নয়, সিয়েন্‌ বানা মাগরগর্‌ জাল্‌।

ইয়োব 8:15

তে যুনি তা উগুরে ভর্‌ দে সালে সিয়েন্‌ ভাঙি পুরিবো, যুনি তে সিয়েন্‌ আজাবোদে ধরে সালে সিয়েনে তারে ধুরি রাগেই ন-পারিবো।

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 75:4

“মুই বার্‌বোগুনোরে কং, ‘বার্‌বো ন-গোজ্য,’ আর পাজিগুনোরে কং, শিঙুন্ ন-পাত্যেয়ো।

গীতসংহিতা 75:5

তমা শিঙুন ন-পাত্যেয়ো আর গত্তনা বেঙা গুরিনে কধা ন-কোইয়ো। ”

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

যিশাইয় 7:1

উষিয়র্ নাদিন্, অত্তাৎ যোথম পুয়ো আহসে যেক্কে যিহূদা দেজর্ রাজা অলঅ সেক্কে অরামর্ রাজা রৎসীন ইস্রায়েলর রাজা রমলিয়র পুয়ো পেকহকরে লগে নেযেইনে যিরূশালেম বিরুদ্ধে যুদ্ধো গুরিবাত্তে গেলঅ, মাত্তর্ তারা সিয়েন জিদি ন-পারিলাক্।

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 29:9

মিসর অবঅ এক্কান মানুচ্ নেইয়্যে ভস্তর্ জাগা। সেক্কে তঅ মানুচ্চুনে হবর্ পেবাক্, মুয়ই লগেপ্রভু। তুই কোইয়োচ্, য়েল্ গাঙান্ তর্ আর তুয়ই সিয়েন বানেয়োচ্।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

যোনা 4:6

সেক্কে গোজেন লগেপ্রভু সিয়েনত্ এক্কো গাজ্ বানেই দিলো। সে গাজ্‌‌‌চো দাঙর্ ওইনে যোনার দুঘ্ কোমেবাত্তে তা মাঢাত্ ছাবা দিয়্যে ধুরিলো। সেক্কে যোনা সেই গাজ্‌‌‌চোত্তে অমকদ হুজি অলঅ।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

সখরিয় 1:19

যে স্বর্গদুত্‌‌তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।

১ শমূয়েল 4:5

লগেপ্রভুর সাক্ষ্য-সুন্দুক্কো তাম্বুলোত আনানার পরেন্দি ইস্রায়েলীয়গুনে বেক্কুনে এন্‌ দাঙর্‌ গুরি কিজেক্‌ সারি উদিলাক্, দেজর্‌ বেক্‌ জাগায়ানিত্‌ হবর্‌ পেলাক।