আমোষ 6:12 - Chakma Bible

¹² খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

আমোষ 6:12 ပူးပေါင်းရင်းမြစ်များ

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

হোশেয় 10:13

মাত্তর্ তুমি দঅ পাজিগানি লাগেয়ো, ভান্ন্যেয়র্ খেত্ কাপ্প্য আর ছলনার্ গুলোগুলি হেইয়ো। তুমি নিজোর্ বল্ আর ভালোক্কুন যোদ্ধা উগুরে নির্ভর গোজ্য;

হোশেয় 10:4

মানুচ্চুনে বোউত্ বাজে কধা কন্ আর চুক্তি গুরিবার সময় মিজে শমক্ খান। সেনত্তে চাজ্ গোজ্যে ভূইয়োত্ বিষবলা হেরপদনা ধোক্ক্যেন মামলা-মগদ্দমা গেজেই উদে।

আমোষ 2:3

তার রাজারে মুই ভস্ত গুরিম আর তা সমারে তার্ বেক্ শাজন্‌গুরিয়্যেগুনোরে মারে ফেলেম।”

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

যাকোব 3:18

যিগুনে শান্তির্ চেষ্টা গরন্ তারা শান্তিয়ে বীজি ফেলান আর সিয়েনর্ ফল অলঅ সৎ জিংকানি।