আমোষ 6:10 - Chakma Bible

¹⁰ সে পরেদি কনঅ কুদুম্মোর্ মরাকিয়্যেনি পুড়িবাত্তে সিয়েনি ঘরত্তুন্ নিগিলিনে নিবাত্তে এবাক্। ঘর ভিদিরে আর কনজন আগন্ কিনা সিয়েনি হবর্ পেবাত্তে তে পুযোর্ গুরিবো, “তুই বাদে আর কনজন আগন্ কি?” সেক্কে সেই ঘর মানুচ্চো কবঅ, “না, নেই।” ইয়োত্ সেই কুদুম্মোবো কবঅ, “জুরো গুরি থাগ্। এন্ কি, লগেপ্রভুর নাঙান্‌অ ন-নিচ্।”

আমোষ 6:10 ပူးပေါင်းရင်းမြစ်များ

২ রাজাবলী 23:16

সে পরেন্দি তে চেরোকিত্তে চেলঅ আর মুড়োবো ইদু যেদুক্কুন গোর্ এলাক সিয়োত্তুন্‌ আড়গোড়া আনিনে সিগুন্‌ ডালিপূজোবো উগুরে পুড়িনে সিগুনোরে অসিজি গুরিলো। গোজেন মানুচ্চো যেদক্কানি ঘটনার কধা আগেন্দি ফগদাঙ্‌ গোজ্যে লগেপ্রভুর সে কধা মজিম এদক্কানি ওইয়্যে।

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 44:26

মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

আমোষ 5:13

সেনত্তে এবাবোত্যে সময়োত্ বুদ্ধিবলা মানুচ্ জুরো গুরি থায়, কিত্যেই সময়ান ভান্ন্যেই।

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

গণাণা 17:12

এদক্কানি দিগিনে ইস্রায়েলীয়গুনে মোশিরে কলাক্, “আমি মুরি গেলং, শেজ্ ওই গেলং, বেক্কুনে শেজ্ ওই গেলং!

১ শমূয়েল 31:12

সেক্কে সিদুগোর্‌ বীর সৈন্যগুনে গোদা রেত্তো আদিনে বৈৎ-শানত্‌ যেইনে শৌল আর তা পূঅগুনোর মরাকিয়্যেগানি দেবালত্তুন্‌ লামেলাক্‌ আর যাবেশত নেযেইনে সিয়েনি আগুনোত্‌ পুড়ি দিলাক্।