আমোষ 6:1 - Chakma Bible

¹ অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

আমোষ 6:1 ပူးပေါင်းရင်းမြစ်များ

১ রাজাবলী 16:24

তে আদায়োত্তুর্‌ কেজি রূবোলোই শেমরের ইত্তুন্‌ শমরিয়া মুড়োবো কিনিলো আর মুড়োবো উগুরে এক্কান্‌ শঅর্‌ বানেল আর মুড়োবোর্‌ আগ গিরোজ্‌ শেমরের নাঙান্‌ মজিম্ শঅরানর্‌ নাঙান্‌ রাগেল শমরিয়া।

গীতসংহিতা 123:4

আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।

গম্ উপদেজ্ 1:32

ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিরমিয় 48:11

এক কুমোত্তুন্ আর এক কুমোত্ ঢালা ন-অলে মদ যেবাবোত্যে তা গাদ উগুরে পড়ি থায় সেবাবোত্যেগুরি মোয়াবে তার চিগোনত্তুন্ ধুরি নিশিদেগুরি পড়ি আঘে; তে বন্দীদজাত্ ন-যায়। সেনত্তে তার সুয়োত্তান্ আগ ধোক্ক্যেন রোইয়্যে, তা তুম্বাজ্‌‌চান্ ন-বদলে।

যিরমিয় 49:31

ও বাবিলীয়গুন, তুমি উদো, সেই আরামত্ থেইয়্যে জাদ্‌‌তুন যে গমেডালে বজত্তি গরদন্ তারারে আক্রমণ গরঅ। সে জাদ্‌‌তোর্ গেইট্অ নেই, লাগারায়ো নেই; তারা গায় গায় বজত্তি গরন।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিরমিয় 7:4

লগেপ্রভুর ঘরর নাঙান্দোই বার বার যে মিজে কধা কুয়ো অয় তুমি সিয়েন বিশ্বেজ্ ন-গোজ্য।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আমোষ 3:2

“পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

আমোষ 3:9

তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

আমোষ 9:10

মর্ বেক পাপী মানুচ্চুনো ভিদিরে যিগুনে কন্, ‘অমংগলে আমারে লাগত্ ন-পেবঅ বা আমা ইধু ন-এবঅ,’ তারা বেক্কুনে যুদ্ধোত্ মুরিবাক্।”

মীখা 3:1

মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।

১ পিতর 5:7

তমার বেক্‌ চিন্তে-ভাবনার ভারান্ তা উগুরে ফেলেই দুয়ো, কিয়া তে তমা পৌইদ্যেনে চিন্তে গরে।

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।