আমোষ 5:8 - Chakma Bible

⁸ যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

আমোষ 5:8 ပူးပေါင်းရင်းမြစ်များ

ইয়োব 12:22

আন্ধারত্‌ লুগেয়্যে বেপারানি তে ফগদাঙ্‌ গরে আর ঘুর্‌ঘুজ্যে ছাবাগানরে পহ্‌রত্‌ আনে।

ইয়োব 37:13

মান্‌জ্যরে সাজা দিবাত্তে, বা তার্ পিত্‌থিমীগানরে পানি দিবাত্তে, বা তার্ কোচ্‌পানা দেগেবাত্তে তে ঝড় আনি দে।

ইয়োব 38:34

তুই কি মেঘ সং তঅ রঅবোরে তুলি পারচ্ যেনে বোউত্ পানিয়ে তরে ঢাগি দি পারে?

ইয়োব 9:9

তে সপ্তর্ষি, কালপুরুষ, কৃত্তিকা আর দোগিনেদি তারাগুনোর সৃট্টিগুরিয়্যেবো।

গীতসংহিতা 104:20

তুই আন্ধারান্ আনিলে রেত্ অয়, ঝারর্ বেক য়েমানুনে সেক্কে ঘুরি ঘুরি বেড়ান্।

গীতসংহিতা 105:28

তে আন্ধার্ পাদেল, সেক্কে আন্ধার পাদেল; তা কধানির বিরুদ্ধে তারা উল্লোমি ন-গুরিলাক্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিরমিয় 16:21

লগেপ্রভু কোইয়্যেদে, “সেনত্তে এবার্ মুই ইস্রায়েলীয়গুনোরে মর্ খেমতা আর বল্ দেগেইনে শিক্ষ্যে দিম্। সেক্কে তারা হবর্ পেবাক্, মঅ নাঙান লগেপ্রভু।”

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

আমোষ 9:6

তে আগাজত্ তা অজল্ ঘরান বানেয়্যে আর পিত্‌থিমীগান উগুরে চানান ধোক্ক্যেন আগাজ্‌চানরে থিদেবর্ গোজ্যে; তে সাগর পানিগানরে ডাগিনে ভূইয়ো উগুরে ঢালি দে। যিবে ইয়েনি গরে তা নাঙান্ লগেপ্রভু।

মথি লেখ্যে গম্ হবর্ 4:16

যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”