আমোষ 5:6 - Chakma Bible

⁶ তুমি লগেপ্রভু ইধু যঅ সেক্কে বাঁজিবা; সিয়েন ন-অলে তে আগুনো ধোক্ক্যেন গুরি যোষেফর, অত্তাৎ ইস্রায়েল মানুচ্চুনো ভিদিরে জুলি উদিবো। সে আগুনানে গিলি ফেলেব আর বৈথেলর কনজনে সিয়েন মারেই ন-পারিবো।

আমোষ 5:6 ပူးပေါင်းရင်းမြစ်များ

২ শমূয়েল 19:20

মুই হবর্‌ পাং, মুই পাপ গোজ্যং। সেনত্তে এচ্চ্যে যোষেফর্ বংশ ভিদিরে মুয়ই বেক্কুনোত্তুন আঘে মঅ গিরোজ্‌ মহারাজর লগে দেগা গুরিবাত্তে ইদু এচ্যং।”

১ রাজাবলী 11:28

সে অক্তত্‌ যারবিয়ামে সিদু কাম গোজ্যে আর তা কামর্‌ বেশ্‌ সুনাঙ্‌ এলঅ। শলোমনে যেক্কে দেগিলো, গাবুজ্যেবো বেশ্‌ কামর্‌ মানুচ্‌ সেক্কে তে তারে যোষেফ বংশর বেক্‌ গাবুরুনোরে দেগাশুনো গুরিবার ভারান্‌ দিলো।

২ বংশধর 34:25

তারা মরে ছাড়িনে দেব্‌-দেবেদাগুনোর্‌ নাঙে আগর্‌বাট্টি্‌ জ্বালেয়োন্‌ আর তারার্‌ আদে বানেয়্যে বেক্‌ মূত্তিগুন্দোই মরে মনান্‌ জাগুলুক্‌ গুরি দুয়োন্‌। সেনত্তেই এ জাগায়ানর্‌ উগুরে মর্‌ রাগ্‌কান মুই ঢালি দিম্‌ আর সে রাগর্‌ আগুনান্‌ মারা ন-যেবঅ।’

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 69:33

লগেপ্রভু নাদামানুচ্চুনোর্ কধানি শুনে; তা মানুচ্চুন, যিগুনে বন্দীদজাত্ আগন্, তারারে তে বেঙা চোগেন্দি ন-চায়।

যাত্রা 22:6

যুনি কনঅ‌ জাগাত্তুন্‌ আগুন কাদাঝুবোত্‌ যেইনে ধরেগোই আর পরেন্দি ছিদি যেইনে থুবেই রাগেয়্যে বা মাদত্‌ উজু গুরি আগন্দে শোজ্যগুন্‌ বা পুরো ক্ষেত-ক্ষেত্তিগানি পুড়ি যায়, মাত্তর্‌ আগুনান্‌ যে জ্বালেয়ে তাত্তুন্‌ সিয়েনর্‌ ক্ষোতি পূনোণ্‌ দিয়্যে পুরিবো।

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যিরমিয় 38:20

জোবত্ যিরমিয় কলঅ, “তারা তরে তুলি ন-দিবাক্। মুই তরে যিয়েন কঙর্ সিয়েন গুরিনে লগেপ্রভুর বাধ্য অ। সালে তর্ গম্ অবঅ, তঅ পরানান বাঁজিবো।

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

যিহিষ্কেল 37:19

সেক্কে তুই তারারে কবে, প্রভু লগেপ্রভু কোইয়্যেদে, ইফ্রয়িম আঢত্ যোষেফ আর তা সমারে ইস্রায়েল গুট্টিগুনোর্ যে লুদিক্কো এলঅ মুই সিবে নিইনে যিহূদার লুদিক্কো লগে জড়া দিইনে এক্কো লুদিক্ বানেম্ আর সে দ্বিবে মঅ আঢত্ এক্কো অবঅ।

আমোষ 3:14

মুই পাপত্তে ইস্রায়েলরে যেদিন্যে সাজা দিম্ সেদিন্যে বৈথেলর্ পূজোগুন ভাঙি ফেলেম; সেক্কে পূজোর্ শিঙুন্ ভাঙিনে মাদিত্ পড়িবাক্।

আমোষ 5:14

তুমি যেনে বাঁজি থেই পারঅ সেনত্তে গম্ পধেদি যঅ, ভান্ন্যেয় পধেদি নয়; সালে যেবাবোত্যে তুমি কোই থাগঅ সেবাবোত্যে বেগত্তুন্ খেমতাবলা গোজেন লগেপ্রভু ঘেচ্চেকগুরি তমা লগে লগে থেবঅ।

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

যিহোশূয় 18:5

পুরো দেজ্‌চান তারা সাত ভাগে ভাগ্‌ গুরিবাক্‌। দোগিণেন্দি যিহূদা-গুট্টিরে যে জাগায়ান দিয়্যে ওইয়্যে তারা সিয়েনত্‌ থেবাক্‌, আর উত্তোরেন্দি থেবাক্‌ যোষেফর বংশধরুনে।