আমোষ 5:5 - Chakma Bible

⁵ তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

আমোষ 5:5 ပူးပေါင်းရင်းမြစ်များ

পত্থম 21:31

সেনত্তে সে জাগাগান নাঙান্‌ অলঅ বের্‌-শেবা (যিয়েনর ভেদ্‌‌তান্ “শমত্ গোজ্যে কূয়ো”), কিত্তে ইয়োদোই তারা দ্বিজনে শমত্‌ খেইয়োন্‌।

পত্থম 21:33

অব্রাহাম বের্‌-শেবাত্ লগেপ্রভুরে, অত্তাৎ যিবের আরাম্ভ আর থুম্ নেই সে গোজেনরে তা যগাজ্যে সর্মান্‌ দিলাক্। তে সিয়েনত্‌ এক্কো ঝাউ গাজ্‌ লাগেল।

পত্থম 26:23

পরেদি ইস্‌হাকে সিয়েনত্তুন্‌ সুরি যেইনে বের-শেবাত গেলঅ।

পত্থম 26:33

ইস্‌হাকে সে কূয়োবো নাঙান্‌ দিলো শিবিয়া (যিয়েনর্ ভেদতান্ “শমত্‌”)। সেনত্তে এজঅ সে শঅরান নাঙান্‌ বের্‌-শেবা নাঙে আঘে।

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

১ রাজাবলী 12:29

গোরু ছঅ দ্বিবেত্তুন্‌ ইক্কোরে তে রাগেলদে বৈথেলত্‌ আর অন্যবোরে রাগেলদে দানত্‌,

২ রাজাবলী 23:8

যোশিয় যিহূদার শঅর্‌ আর আদামানিত্তুন্‌ বেক্‌ ধর্মগুরুগুনোরে আনিলো আর গেবাত্তুন্‌ বের্‌-শেবা সং যেদক্কানি পূজো অজল জাগাত্‌ সে ধর্মগুরুগুনে আগর্‌বাট্টি জ্বালেদাক্‌ সিয়েনি অসিজি গুরি দিলো। তে শাজন্‌গুরিয়্যে যিহোশূয়ো গেট্টোত্‌ সুমিবার্‌ পদথ্‌ যেদক্কানি পূজো অজল্‌ জাগা এলঅ সিয়েনি ভাঙি ফেলেল। এ গেট্টো অলদে শঅরর্ আজল্‌ গেট্টো বাঙেন্দি।

ইয়োব 8:22

যিগুনে তরে ঘিনান্‌ তারা লাজেবাক্‌; শদানুনোর্‌ থেবার্‌ ঘর্‌ আর ন-থেবঅ।”

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিরমিয় 48:13

ইস্রায়েলর মানুচ্চুন যেবাবোত্যেগুরি বৈথেল উগুরে বিশ্বেজ্ গুরিনে লাজেয়োন সেবাবোত্যেগুরি মোয়াবেয়ো কমোশ পৌইদ্যেনে লাজত্ পুরিবো।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

আমোষ 1:5

মুই দামেস্কর গেদো হুক্কো ভাঙি ফেলেম; মুই আবন কলগর্ মানুচ্চুনোরে আর বৈৎ-এদনত্ যে মানুচ্চো রাজলুদিক্কো ধুরি আঘে তারে ভস্ত গুরিম। অরামর মানুচ্চুনোরে বন্দী ওইনে কীরে ইদু যেবাক্।”

আমোষ 3:14

মুই পাপত্তে ইস্রায়েলরে যেদিন্যে সাজা দিম্ সেদিন্যে বৈথেলর্ পূজোগুন ভাঙি ফেলেম; সেক্কে পূজোর্ শিঙুন্ ভাঙিনে মাদিত্ পড়িবাক্।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 7:10

পরেদি বৈথেল ধর্মগুরু অমৎসিয় ইস্রায়েল রাজা যারবিয়াম ইধু এ হবরান পাদেল, “আমোষে ইস্রায়েল ভিদিরে তঅ বিরুদ্ধে এক্কান কুজুরোমী গোজ্যে। দেজ মানুচ্চুনে তার কনঅ কধা সোজ্য গুরি ন-পারদন্।

আমোষ 7:13

বৈথেলত্ আর ভাববাদী ইজেবে কধা ন-কোচ্, কিত্যেই ইয়েন রাজার উবোসনার্ জাগা আর রাজঘর।”

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 7:9

ইস্‌‌হাক বংশ মানুচ্চুনোর পূজোর্ অজল্ জাগায়ানি আর ইস্রায়েলর উবোসনার অন্য জাগায়ানি ভস্ত গরা অবঅ। মুই লাম্বা ছুরিলোই যারবিয়াম বংশর্ বিরুদ্ধে উদিম।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

১ করিন্হীয় 1:28

জগদ্‌তানে যিয়েনরে তলে আর তুচ্চ বিলি মনে গরে, এমন কি, জগদর্ চোগেদি যিয়েন কিচ্চু নয় গোজেনে সিয়েনই বেঈ লোইয়্যে যেন জগদর্ চোগেদি যিয়েন মূল্যবান সিয়েন মূল্য নেইয়্যে ওই পারে।

১ করিন্হীয় 2:6

যিগুনে খ্রীষ্টীয় জিংকানিত্ পাগানা তারা ইধু অবুচ্চোই আমি জ্ঞানর্ কধা কোই; মাত্তর্ সেই জ্ঞানান্ এ জগদর্ নয়, বা এ জগদর্ নেতাগুনোর্‌অ নয় যিগুনে খেমতা-নেইয়্যে ওইয়োন্ ।

দ্বি’লম্বর বিররণ 28:41

যিদুক্কুন ঝি-পূঅ তমার অবাক তারা তমার কায়কুরে ন-থেবাক, কিত্যে তারারে বোন্দী গুরিনে নেযা অবঅ।

যিহোশূয় 5:9

ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

ফগদাং পেইয়্যে 18:17

এদক্ কম সময়ো ভিদিরে তর্ এমন বেক ধন-সোম্বোত্তিগানি বর্‌বাদ্ ওই যেইয়্যে!” জাহাজর্ আজল্ ধর্মগুরুগুন, পানি পধেদি যেইয়্যেগুন, নাবিক্কুন আর সাগরত্ যিগুনে বেবসা-বানিজ্য গরন তারা বেক্কুনে দূরোত্ থিয়্যেই থেলাক্।

১ শমূয়েল 11:14

সেক্কে শমূয়েলে মানুচ্চুনোরে কলঅ, “আদঅ, আমি গিল্‌গলত্‌ যেইনে শৌলর রাজা অনার কধাগান আরঅ ফগদাং গুরিই।”

১ শমূয়েল 7:16

তে পত্তি বজর্‌ বৈথেল, গিল্‌গল আর মিস্পাতদ্‌ যেইনে ইস্রায়েলীয়গুনোরে শাজন্ গুরিদো।

১ শমূয়েল 8:2

তার দাঙর্‌ পূঅবোর নাঙান্‌ এলঅ যোয়েল আর দ্বিলম্বর পূঅবোর নাঙান্‌ এলঅ অবিয়। তারা বের্‌-শেবাত শাজন্‌গুরিয়্যেগুনোর্ কামানি গুরিদাক্,