আমোষ 5:3 - Chakma Bible

³ প্রভু লগেপ্রভু কত্তে, “ইস্রায়েলর যে শঅরত্তুন্ এক আজার্ বোলী মানুচ্ নিগিলি যান্ সিগুনোত্তুন বানা একশ জন বাঁজি থেবাক্, আরঅ যে শঅরত্তুন্ একশ জন বোলী মানুচ্ নিগিলি যান্ সিগুনোত্তুন্ বানা দশজন বাঁজি থেবাক্।”

আমোষ 5:3 ပူးပေါင်းရင်းမြစ်များ

গীতসংহিতা 144:14

আমা বলদ্‌তুনে যেন ঘুয়োর্ ঘুয়োর্ বুধি টানি পারন্; আমা দেবালত্ যেন ফাদামারা ন-অয়, কনজনে যেন বন্দি ন-অন্। পধে পধে যেন দুঘোর্ কানানি রঅ শুনো ন-যায়।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিহিষ্কেল 12:16

মাত্তর্ তারা ভিদিরেত্তুন্ কিজু মান্‌জ্যরে মুই যুদ্ধোত্, ভাদরাদত্ আর ভানা আঢত্তুন্ বাঁজেম্, যেনে তারা যিদু যেদাক্ সাৎ সিদুগোর্ বেক জাদ্‌তুনো ইধু তারার্ বেক জঘন্য অভ্যাসর্ কধানি স্বিগের্ গরন। সেক্কে তারা হবর্ পেবাক্ যে, মুয়ই লগেপ্রভু।”

আমোষ 6:9

এক্কান ঘরত্ দশজন মানুচ্ বাঁজি থেলেয়ো তারা মুরিবাক্।

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

দ্বি’লম্বর বিররণ 28:62

তমা মান্‌জ্যর সোংখ্যে আগাজর্‌ তারা ধোক্ক্যেন অলেয়ো তমার গোজেন লগেপ্রভু উগুরে অবাধ্য অনার কারনে তুমি সেক্কে বানা থরা কয়েকজনই বাঁজি থেবা।

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।