আমোষ 5:26 - Chakma Bible

²⁶ না, বরং তুমি তমার্ নিজোর্ বানেয়্যে রাজা-দেবেদা সিক্কুতর মূত্তি আর তারা-দেবেদা কীয়ূনোর মূত্তি বুয়োই নেযেয়োন।

আমোষ 5:26 ပူးပေါင်းရင်းမြစ်များ

১ রাজাবলী 11:33

মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্‌কমর পূজো গোজ্যন্‌। শলোমনর্ বাপ্পো দায়ূদে যেধোক্কেন্‌ গুরিদো তারা সেধোক্কেন্‌ ন-গরন্‌। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্‌ আর মঅ সুদোমানি আর নিদ্দেশ্‌ছানি ন-পালান।

যিহিষ্কেল 20:16

তারা মর্ রীদি-সুদোমানি এলাফেলা গোজ্যন আর মর্ সুদোমানি অমান্য গোজ্যন আর মর্ দিয়্যে জিরেবার দিনুনোর পবিত্রতাগান রোক্ষ্যে ন-গরন্, কিত্তে তারার মনর্ টানান এলদে মূত্তিপূজো ইন্দি।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

প্রেরিত্‌ 7:43

না, মাত্তর্ পূজো গুরিবাত্যে যে মূর্ত্তিবো তুমি বানেয়ো সেই মোলক দেবেদার মূর্ত্তিবো আর তমার রিফণ দেবেদার তারাবো তুমি বুয়োই নেযেয়ো। সেনত্তে মুই বাবিল দেজর্ উই পারত্ বন্ধী ইজেবে তমারে পাধেই দিম।