আমোষ 5:21 - Chakma Bible

²¹ লগেপ্রভু কত্তে, মুই তমা পরব্‌‌‌‌পুন ঘিনাং, এলাফেলা গরং; তমা তেম্মাঙানি মুই সোজ্য গুরি ন-পারং।

আমোষ 5:21 ပူးပေါင်းရင်းမြစ်များ

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিহিষ্কেল 23:18

তে খুলোমেলাগুরিনে যেক্কে তার বেশ্যেগিরি চালা ধুরিলো আর তার্ লাংটা-বাংটাগান ফগদাং গুরিলো সেক্কে মুই তারে ঈচ্ গুরিলুং, যেবাবোত্যে মুই তা বোন্নোরে ঈচ্ গোজ্যং।

হোশেয় 2:11

মুই তার বেক্ রঙ্গ-ফুত্তির্ অনুষ্ঠান, পরব্, আঙোস্যে, জিরেবার দিন-এক কধায় তার্ বেক ঠিগ্ গোজ্যে পরব্‌‌পুন বন্ধ গুরি দিম।

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 4:5

তুমি ভালেদির্ উৎসর্ব ইজেবে সদা দিয়্যে রুটি দুয়ো আর তমা নিজো আওজে দিয়্যে উৎসর্বর জিনিস্‌‌চানিলোই বাড়্‌বো গরঅ, কিত্যে ও ইস্রায়েলীয়গুন, তুমি দঅ সিয়েন গুরিবাত্তে গম্‌‌ পঅ। মুই প্রভু লগেপ্রভু এ কধাগান কঙর্।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,