আমোষ 5:20 - Chakma Bible

²⁰ লগেপ্রভুর দিন্নো পহ্‌‌‌র ন-ওইনে কি আন্ধার অবঅ? জ্বোল্‌‌‌জ্বোল্যে এক্কানা গুরি ন-থেইনে সিয়েন কি ঘুর্‌‌‌গুজ্যে আন্ধার ন-অবঅ?

আমোষ 5:20 ပူးပေါင်းရင်းမြစ်များ

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

সফনিয় 1:15

সেদিন্নো অবঅ রাগর্ দিন, অমকদ দুদ্দশা আর মনত্ দুঘো দিন, দযা আর ভস্ত অনার্ দিন, ঘুর্‌‌‌ঘুজ্যে আন্ধারর দিন, মেঘ আর ঘুর্‌‌‌ঘুজ্যে আন্ধারর্ দিন।

মথি লেখ্যে গম্ হবর্ 22:13

সেক্কে রাজা চাগরুনোরে কলঅ, ‘ইবের্ আঢ্-টেঙানি বানিনে বারেদি আন্ধারত্ ফেলেই দুয়ো। সেই জাগানত্ মান্‌জ্যে কানাকুদি গুরিবাক্ আর যন্ত্রণালোই দাত্ কামেরেবাক্।’ ”

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

ফগদাং পেইয়্যে 16:10

যেরেদি পাচ-লম্বর স্বর্গদূত্‌তো সেই য়েমান্নোর্ সিংহাসনান উগুরে তা কদরাবো উবোত্ গুরিলো; সেক্কে সেই য়েমান্নোর্ রেজ্যগান আন্ধার্ ওই গেলঅ। যন্ত্রণায় মান্‌জ্যে তারার জিলানি কামারা ধুরিলাক্ আর তারার এ যন্ত্রণা আর ঘা গানিত্যে তারা স্বর্গর গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।