আমোষ 5:18 - Chakma Bible

¹⁸ অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

আমোষ 5:18 ပူးပေါင်းရင်းမြစ်များ

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 24:18

যে মানুচ্চো দরে ধেবঅ তে গাদত্ পড়িবো, আর যে গাদত্তুন্ উদি এবঅ তে ফালত্ ধরা পড়িবো। আগাজত্ ফাদামাড়া অবঅ আর পিত্‌‌থিমীর গড়াগান্ গির্‌গিরেব।‌

যিশাইয় 5:19

তারা কন্দে, “গোজেন যাদিমাদি গর্; তে যাদিমাদি গুরি তা কামানি গোরোক্ যেন আমি সিয়েনি দেগিই, ইস্রায়েলর সেই পবিত্র মানুচ্চোর্ সল্লাগান্ পুরোণ্ ওক্ যেন আমি সিয়েন হবর্ পেই।”

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 17:15

চঅ, তারা মরে কন্, “লগেপ্রভুর কধানি কুদু? ইক্কিনে সিয়েন পুরোন ওক্।”

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিহিষ্কেল 12:22

“ও মানজ্যর্ পুয়োবো, ইস্রায়েল দেজত্ ইয়েন কিবাবোত্যে দাগ কধা রোইয়্যে, ‘দিনুন্ কাদি যায় আর পত্তি দর্শনই বিফল অয়’?

যিহিষ্কেল 12:27

“ও মান্‌জ্যর্ পুয়োবো, ইস্রায়েলীয়গুনে কধন্দে, তুই যে দর্শনান্ দেখ্যচ্ সিয়েন ইক্কেত্তুন্ ধুরি বোউত্ বজরর্ কধা, আর যে আগাম্ কধা কর্ সিয়েন দুরোর্ আগাম্ কধা।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

২ পিতর 3:4

আর কবাক্, “তার্ এযানার্ যে এগেম্ এলঅ সিয়েনর কি অলঅ? পিত্‌থিমীগান সৃট্টির সময়ত্তুন্ ধুরি যেধোক্ক্যেন চলের্ ঠিগ্ সেধোক্ক্যেন আমার পূরোণি মানুচ্চুনোর্ মরণর পরেত্তুন্ ধুরি বেক্কানি সেবাবোত্যে গুরি চলের্।”