আমোষ 5:12 - Chakma Bible

¹² মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 5:12 ပူးပေါင်းရင်းမြစ်များ

ইয়োব 20:19

কিয়া তে নাঢা মানুচ্চুনোরে অত্যেচার আর য়েলাফেলা গোজ্যে, আর যে ঘরান্‌ তে নিজে ন-বানায় সিয়েন্‌ গজক্‌ গুরি নেযেয়্যে।

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

গীতসংহিতা 127:5

বর্ পেইয়্যে সেই মানুচ্চো, যিবের সেল্ রাগাইদ্যে থৈল্যে ধোক্ক্যেন সেল্লোই ভরা; শঅর্ গেদো কুরে বিপক্কগুনো সমারে কধা কবার্ অক্তত্ তারা ন লাজেবাক্।

যাত্রা 23:3

কনঅ‌ নাদা মান্‌জ্যর্‌ বিচের্‌ গুরিবাত্তে যেইনে তে নাদা বিলিনেই‌ তার্‌ পক্ষ ন-নিবা।

যাত্রা 23:6

“কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

গম্ উপদেজ্ 17:8

যে মানুচ্চো ঘুষ্ দে তাইদু সিয়েন ভাগ্যত্তে পাত্তর ধোক্ক্যেন্; তে যিন্দি ফিরে সিন্দি ফলে।

গম্ উপদেজ্ 22:22

এক্কো মানুচ্ অসহায় বিলিনে জোর্ গুরি তা জিনিসছানি ন-নেযেয়ো, আর বিচের-জাগাত্ অভাবীর সর্বনাশ ন-গোজ্য;

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 47:9

মাত্তর্ পুয়ো-ছা আরানা বা রাণিমিলে অনা এ দিয়্যেনই একই দিনে যে কনঅ সময় তর্ ঘুদিবো। তর্ বোউত্ যাদুবিদ্যে আর বোউত মন্ত্রতন্ত্র থেলেয়ো সিয়েনি তঅ উগুরে যদবদেগুরি ঘুদিবো।

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

আবিলেচ্ 3:34

দেজর্ বেক বন্দীগুনোরে টেঙোই দলানা,

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

হোশেয় 5:3

মুই ইফ্রয়িম পৌইদ্যেনে বেক্কানি হবর্ পাং; ইস্রায়েল মত্তুন্ লুগেয়্যে নেই। ইফ্রয়িম ইক্কিনে বেভিচের্ গরের্; ইস্রায়েল অসিজি ওই যেইয়্যে।

আমোষ 2:16

যোদ্ধাগুনে ভিদিরে যে বেগত্তুন্ সাহসী তেয়ো সেদিন্যে লাংটা-বাংটা ওইনে ধেই যেবঅ। মুই লগেপ্রভু এ কধাগান কঙর্।”

আমোষ 2:3

তার রাজারে মুই ভস্ত গুরিম আর তা সমারে তার্ বেক্ শাজন্‌গুরিয়্যেগুনোরে মারে ফেলেম।”

আমোষ 5:10

যে মানুচ্চো শঅর গেদোত্ অন্যেয়র্ বিরুদ্ধে থিয়্যেই তুমি দঅ তারে ঈচ্ গরঅ আর যে সত্য কধা কয় তারে তুচ্ছো গরঅ।

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

যাকোব 5:6

তুমি নিদ্দুজিগুনোরে দুযি গোজ্জ্য আর মারে ফেল্ল্য, আর তারা তমারে মানা ন-গরন্।

রূত 4:1

বোয়সে আদামর্ গেদোত্‌ যেইনে বুঝিলো। কাম ভারান্ লোইয়্যে যে কুদুম্মোবোর কধা বোয়সে কোইয়্যে তে সেক্কে সে পদেন্দি যার্‌। বোয়সে তারে ডাগিনে কলঅ, “ও ভেই, ইদু এইনে এক্কা বচ্ছি।” মানুচ্চো সেক্কে সিয়েনত্‌ যেইনে বজিলো।

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।