আমোষ 4:9 - Chakma Bible

⁹ মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

আমোষ 4:9 ပူးပေါင်းရင်းမြစ်များ

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

২ বংশধর 6:28

যুনি দেজত্‌ ভাদরাত্‌ বা ভানা দেগা যায়, যুনি ক্ষেত-ক্ষেত্তি শুগেই-যাইদে রোগ বা ছাৎলা-পোজ্যে রুগ অয়, যুনি ক্ষেদত্‌ ফিরিং বা পুগযুগ্‌ পড়ন, যুনি শত্রুয়ে তারার্‌ কনঅ শঅর্‌ ঘিরিনে-যে কনঅ বাবোত্যে দযা বা পিড়ে দেগা যেদঅ সাৎ,

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিরমিয় 3:10

ইয়েনি অলেয়ো ইস্রায়েলর অবিশ্বেজি বোন যিহূদা বেক্ মনান্দোই নয় মাত্তর্ বানা ভান্ গুরিনে মইধু ফিরি এচ্চ্যে। মুই লগেপ্রভু এ কধাগান কঙর্।”

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

হোশেয় 11:5

ইস্রায়েলীয়গুন মন ফিরেদে রাজী ন-অন্ বিলি তারা মিসরত্ ফিরি ন-যেবাক্, বরং আসিরিয়া তারা উগুরে রাজাগিরি গুরিবো।

যোয়েল 1:4

কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 1:7

তে মর্ বেক আংগুর-লুদিগানি বর্‌বাত গোজ্যে আর ডোমোর্ গাজ্‌চুন ভাঙি ফেলেয়্যে। সিগুনোর বাগলানি ছুলিনে তে সিয়েনি ফেলেই দিয়্যে; সেক্কে ডেলাগুন বেক্কানি দুপ্ ওই যেইয়্যে।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

আমোষ 4:6

“মুই আরঅ কঙর্, পত্তি শঅরত্ মুই তমারে খালি পেদে রাগেলুং আর পত্তি আদামত্ রুটির অভাব দিলুং; তো তুমি মইদু ফিরি ন-এলা।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

মালাখি 3:11

মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।

দ্বি’লম্বর বিররণ 28:22

ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:42

ঝাঁগে ঝাঁগে পুগ্-যুগ্ এইনে তমার দেজর গাজ-বাজ আর ফলুন হেই ফেলেবাক্।