আমোষ 4:7 - Chakma Bible

⁷ খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

আমোষ 4:7 ပူးပေါင်းရင်းမြစ်များ

যাত্রা 10:22

সেক্কে মোশি আগাজ ইন্দি আঢ্‌তানি বাবেই দিলো, আর সেক্কে তিন দিন সং গুর্‌গুজ্যে আন্ধারে গোদা মিসর দেজ্‌চান্‌ ঢাক্যে রলঅ।

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:4

মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 14:3

মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।

যিরমিয় 14:4

মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যোয়েল 2:23

ও সিয়োনর্ মানুচ্চুন, হুজি অ, তমা গোজেন লগেপ্রভুরে নিইনে ফুত্তি গরঅ, কিত্যে তার্ সততার্ কারনে তে তমারে শরৎকালর্ ঝড় দিয়্যে। তে তমারে বোউত্ ঝড় পাধেই দের্, আগ ধোক্ক্যেন শরৎ আর বসন্তকালর্ ঝড় দের্।

সখরিয় 14:17

যুনি পিত্‌থিমীর ‌কনঅ জাদে বেগত্তুন্ খেমতাবলা লগেপ্রভুর্ উবোসনা গুরিবাত্তে যিরূশালেমত্ ন-যান সালে তারা দেজত্ ঝড় ন-অবঅ।

যোহন 4:35

তুমি কি ন-কঅ, ‘আর চের্ মাস বাগি আঘে, সে পরেদি শোজ্য কাবিবার্ সময় অবঅ’? মাত্তর্ মুই তমারে কঙর্, চোগ্ তুলিনে একবার্ ক্ষেদ ইন্দি রিনি চঅ, শোজ্য কাবিবার্ অক্‌ত ওইয়্যে।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

দ্বি’লম্বর বিররণ 11:17

সেক্কে তমা উগুরে লগেপ্রভুর রাগর্‌ আগুনান জুলি উদিবো আর তে আগাজর্‌ দোরান বন্ধ গুরি দিবো, যিয়েনর্‌ কারনে ঝড়্অ ন-অবঅ আর ভূইয়োত্‌ ক্ষেত ক্ষেত্তিয়ো ন-অবঅ। যে দোল্‌ দেজ্‌ছান লগেপ্রভু তমারে দের্‌ সিয়েনত্তুন্‌ তুমি কম্‌ সময়োর্‌ ভিদিরে শেজ্ ওই যেবা।

যাকোব 5:17

এলিয় আমা ধোক্ক্যেন এক্কো মানুচ্‌ এলঅ। তে কোজোলী গুরিনে তবনা গুরিলো যেন ঝর্ ন-অয়, আর সাড়ে তিন বজর্ দেজত্ ঝর্ ন-অয়।

ফগদাং পেইয়্যে 11:6

এ মানুচ্চুনে যেদক বিলোন ভাববাদী ইজেবে কধা কবাক্ সেদক বিলোন যেন ঝড় ন-অয় সেনত্যে আগাজ্‌চান নাঢি দিবার খেমতা তারার্ থেবঅ। পানিগানরে লো বানেবার আর যেদকবার আওজ্ সেদকবার যে কনঅ আঘাত্‌তোই পিত্‌থিমীগানরে ক্ষোতি গুরিবার খেমতায়ো তারার্ থেবঅ।