আমোষ 4:6 - Chakma Bible

⁶ “মুই আরঅ কঙর্, পত্তি শঅরত্ মুই তমারে খালি পেদে রাগেলুং আর পত্তি আদামত্ রুটির অভাব দিলুং; তো তুমি মইদু ফিরি ন-এলা।

আমোষ 4:6 ပူးပေါင်းရင်းမြစ်များ

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:2

সেনত্তে এলিয় আহাবরে দেগা দিবাত্তে গেলঅ। সেক্কে শমরিয়াত্‌ অমকদ ভাদরাত্‌ চলের্‌।

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 8:1

ইলীশায় যে মিলেবোর্‌ পুয়োবোরে জেদা গোজ্যে তারে তে কলঅ, “তুই তঅ ঘোর্বোগুন লোইনে যিয়েনত্‌ পারচ্‌ সিয়েনত্‌ যেইনে কয়েকদিন্‌ থাক্কোই, কিত্তে লগেপ্রভু এ দেজত্‌ ভাদরাত্‌ পাধেই দিবো, আর সিবে সাত্‌ বজর্‌ সং চলিবো।”

২ বংশধর 28:22

তার্‌ এ দুগোত্‌ রাজা আহসে লগেপ্রভু উগুরে আরঅ অবিশ্বেজি অলঅ।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 3:1

ইক্কিনে চঅ, যেদক্কানি জিনিস আর মানুচ্চুনো উগুরে বিশ্বেজ্ গরন্ সেই বেক যিরূশালেমান্ আর যিহূদাত্তুন্ বেগত্তুন্ খেমতাবলা প্রভু লগেপ্রভু দূর্ গুরি দিবাত্তে যার্। তে তারার্ বেক হানাগানি আর পানিগান দূর্ গুরি দিবো।

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 16:27

সেনত্তে মুই তঅ বিরুদ্ধে মঅ আঢ্‌তানি বাবেইনে তঅ সোম্বোত্তিগানি কোমেই দুয়োং। তঅ শত্রুগুনোর, অত্তাৎ পলেষ্টীয়গুনোর মিলেগুন, যিগুনে তর্ জঘন্য খাচ্চ্যদত্তে লাজ্ পেইয়োন মুই তারা আঢত্ তরে তুলি দুয়োং।

হোশেয় 11:5

ইস্রায়েলীয়গুন মন ফিরেদে রাজী ন-অন্ বিলি তারা মিসরত্ ফিরি ন-যেবাক্, বরং আসিরিয়া তারা উগুরে রাজাগিরি গুরিবো।

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

যোয়েল 1:16

আমা চোগো মুজুঙোত্ হানা আর আমা গোজেন ঘরত্তুন্ রঙ্গ-ফুত্তি কি বন্ধ ওই ন-যায়?

লেবীয় 26:23

এদক্কানি ঘটনার্‌ পরেদিয়ো যুনি তুমি মর্‌ শাজনানি মানি ন-নেযেইনে মর্‌ বিপক্ষে আদঅ,

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।

রূত 1:1

শাজন্‌গুরিয়্যেগুনোর শাজন আমলত ইস্রায়েলীয়গুনোর দেজত্‌ একপল্লা ভাদঅ‌ রাত্ দেগা দিলো। সেক্কে যিহূদা দেজর বৈৎলেহম আদামর এক্কো মান্‌জ্যে তা মোক্কো আর দ্বিবে পূঅরে নেযেইনে কয়েকদিনোত্তে মোয়াব দেজত্‌ বজত্তি গুরিবাত্তে গেলঅ‌।