আমোষ 4:2 - Chakma Bible

² প্রভু লগেপ্রভু নিজো পবিত্রতালোই শমক্ গুরি কোইয়্যেদে, সে অক্তত্ হামাক্কায় এবাক্ যেক্কে হেবা লাগেইনে তমারে টানিনে নেযা অবঅ; তমারে বেক্কুনোরে বুজ্জিলোই টানি নেযা অবঅ।

আমোষ 4:2 ပူးပေါင်းရင်းမြစ်များ

গীতসংহিতা 89:35

মঅ পবিত্রতাগান শমক্ গুরি মুই একপল্লা কোই রাগেয়োং- মুই দায়ূদো ইদু কনদিন্‌অ মিজে কধা ন-কোম;

গীতসংহিতা 89:36

তা বংশবো উমরত্যে থেবঅ; তা সিংহাসনান্ মঅ মুজুঙোত্ বেলান ধোক্ক্যেন টিগি থেবঅ।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিহিষ্কেল 29:4

মাত্তর্ মুই তর্ মাড়িত্ হেবা লাগেম্ আর তর্ গাঙ মাছচুনোরে তঅ আঁশ্‌‌‌‌‌‌‌‌‌‌‌‌‌‌‌চানি লগে লাগেই দিম। তর্ আঁশ্‌‌‌‌‌‌‌‌‌‌‌‌‌‌‌চানি লগে থেইয়্যে বেক্ মাছচুন সুদ্ধো মুই তরে তঅ গাঙানত্তুন্ টানি তুলি আনিম।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 38:4

মুই তরে পিজেদি ঘুরিনে তর্ মাড়িগানত্ হেবা লাগেম্ আর তর্ পুরো সৈন্যদলর লগে, অত্তাৎ বেক্ ঘোড়া, দোল্ কাবড় উজ্যে বেক্ ঘোড়া চালেয়্যেগুন আর চিগোন্-দাঙর্ ঢাল আর লাম্বাছুরি সুদ্ধো এক্কো দাঙর্ দল সমারে তরে নিগিলেই আনিম।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।