আমোষ 4:13 - Chakma Bible

¹³ মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 4:13 ပူးပေါင်းရင်းမြစ်များ

ইয়োব 9:7

তে মানা গুরিলে বেলানে পহ্‌র নঅ-দে আর তারাগুনে পহ্‌র দেনা বন্ধ গরন্‌।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 147:18

তার্ কধানি পাধেইনে তে শিল্ গোলেই ফেলায়; তার আভাগান্ বেহ্‌লে পানি বেঈ যায়।

গীতসংহিতা 65:6

তর্ খেমতালোই বেক মুড়ো-মুড়িগুন থিয়্যেই আগন্; ইয়েন্দোই ফগদাং অয় তুই খেমতাবলা।

যাত্রা 10:22

সেক্কে মোশি আগাজ ইন্দি আঢ্‌তানি বাবেই দিলো, আর সেক্কে তিন দিন সং গুর্‌গুজ্যে আন্ধারে গোদা মিসর দেজ্‌চান্‌ ঢাক্যে রলঅ।

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 47:4

আমা উদ্ধোরগুরিয়্যে অলঅ ইস্রায়েলর সেই সুদ্ধো-সাংগ মানুচ্চো; তা নাঙান বেগত্তুন্ খেমতাবলা লগেপ্রভু গোজেন।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিরমিয় 10:13

তা উগুমে আগাজর্ পানিগান গুজুরি উদে; তে পিত্‌থিমীর শেজ্ ধুজিত্তুন্ মেঘরে তুলি আনে। তে ঝড়ত্তে কারেন্ বানায় আর তা ভান্ডালত্তুন বোইয়্যের্ নিগিলে আনে।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 46:18

যিবে নাঙান্ বেগত্তুন্ খেমতাবলা লগেপ্রভু সেই রাজাবো ফগদাং গোজ্যে, মঅ জিংকানিগানর্ নাঙে কঙর্, এমন এক্কো এবঅ যিবে মুড়োগুনো ভিদিরে তাবোর ধোক্ক্যেন, সাগর ইধু কর্মিল ধোক্ক্যেন।

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

দানিয়েল 2:28

মাত্তর্ স্বর্গত্ এক্কো গোজেন আঘে যিবে গুমুরো বিষয়ে ফগদাং গরে। ভবিচ্চদে যিয়েনি ঘুদিবো সিয়েনি তে রাজা নবূখদ্‌‌‌‌‌নিৎসররে জানেয়্যে। তর্ স্ববনান্, অত্তাৎ বিচ্ছোনত্ পড়িনে যে দর্শনান্ তুই দেখ্যচ্ সিয়েন মুই ইক্কিনে কোম্।

দানিয়েল 2:30

অন্য মানুচ্চুনোত্তুন্ মর্ বেশ্ জ্ঞান আঘে বিলি যে মইদু এ হবর্ ন-পেইয়্যে বিষয়ান ফগদাং ওইয়্যে সিয়েন নয়, মাত্তর্ ও মহারাজ, মরে ইয়েন কুয়ো ওইয়্যে যেনে তুই ইয়েনর অত্তগান হবর্ পাজ্ আর তঅ মনর্ চিন্তেগান বুঝি পারজ্।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

আমোষ 3:13

বেগত্তুন্ খেমতাবলা গোজেন প্রভু লগেপ্রভু কত্তে, “তুমি শুনো আর যাকোব বংশবোরে উজিয়ার্ গরঅ।

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

আমোষ 9:6

তে আগাজত্ তা অজল্ ঘরান বানেয়্যে আর পিত্‌থিমীগান উগুরে চানান ধোক্ক্যেন আগাজ্‌চানরে থিদেবর্ গোজ্যে; তে সাগর পানিগানরে ডাগিনে ভূইয়ো উগুরে ঢালি দে। যিবে ইয়েনি গরে তা নাঙান্ লগেপ্রভু।

মীখা 1:3

চঅ, লগেপ্রভু তা থেবার ঘরানত্তুন্ এজের্; তে লামি এইনে পিত্‌‌থিমীর অজল্ জাগায়ানি উগুরেদি যেবঅ।

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

যোহন 2:25

মান্‌জ্য পৌইদ্যেনে কারঅ সাক্ষির দরকার্‌অ তার ন-এলঅ, কিয়া মান্‌জ্য মনত্ যিয়েনি আঘে সিয়েনি তার্ জানা এলঅ।

যোহন 3:8

বৈয়্যের্ যিন্দি মনে কয় সিন্দি বায়্ আর তুই তা রবুয়ো শুনোচ্, মাত্তর্ কুত্তুন্ এজে আর কুধু বা যায় সিয়েন তুই হবর্ ন-পাজ্। পবিত্র আত্মাত্তুন্ যিগুনোর্ জর্ম ওইয়্যে সিগুনোর্‌অ ঠিগ্ সেবাবোত্যে অয়।”

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”