আমোষ 3:9 - Chakma Bible

⁹ তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

আমোষ 3:9 ပူးပေါင်းရင်းမြစ်များ

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

গম্ উপদেজ্ 1:13

সেক্কে আমি নানান্ বাবোত্যে মংগা মংগা জিনিস পেবং, আর লুদেয়্যে জিনিসছোই আমা ঘরানি ভোরেবং।

গম্ উপদেজ্ 11:16

দোল্ স্বভাবর মিলে সর্মান পায়, আর অত্যেচারি মানুচ্চুনে ধন পান।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিরমিয় 31:5

শমরিয়ার মুড়োবোত্ আরঅ তুই আংগুর খেত্ গুরিবে; যিগুনে খেত্ গুরিবাক তারা সিয়েনর ফলুন হেবাক্।

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিহিষ্কেল 36:8

মাত্তর্ ও ইস্রায়েলর মুড়ো-মুড়িগুন্, তুমি তমার গাজ ডেলাগুন ছিদি দিইনে মর্ মানুচ্ ইস্রায়েলীয়গুনোরে বোউত্ গুলোগুলি দিবে, কিত্যে তারা যাদিমাদি ফিরি এবাক্।

যিহিষ্কেল 37:22

সিয়েনত্ ইস্রায়েলর মুড়ো-মুড়ি উগুরে মুই তারারে নিইনে এক্কান রেজ্য বানেম্। তারা বেক্কুনো উগুরে একজনে রাজা অবঅ আর তারা আর্ কনদিন্‌অ দ্বিবে ন-অবাক্ বা দ্বিয়েন রেজ্য ভাগ্ ন-অবঅ।

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

আমোষ 8:6

রূবোলোই নাঢা মান্‌‌‌‌জ্যরে আর এক জড়া জদালোই অভাবীরে কিনি নেযেম আর ঝান্দালোই ফেলে দিয়্যে গমুন্ তারা ইধু বেজি দিম।”

মীখা 6:10

পাজি মানুচ্চুনোর্ ঘরত্ অসৎ উপায়ে পেইয়্যে ধন-সোম্বোত্তি আর ঠোগেবার মাবেদে আড়ি আঘে যিবে মুই ঘিনাং।

১ শমূয়েল 5:1

পলেষ্টীয়গুনে গোজেনর সুন্দুক্কো এবন্-এষরত্তুন অস্‌দোদ শঅরত্‌ নেযেলাক্।