আমোষ 3:6 - Chakma Bible

⁶ শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

আমোষ 3:6 ပူးပေါင်းရင်းမြစ်များ

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 4:5

“তুমি যিহূদা দেজত্ আর যিরূশালেমত্ ফগদাং গুরিনে কঅ, ‘পুরো রেজ্যত্ শিঙা বাজঅ।’ জোরে রঅ ছাড়িনে কঅ, ‘তুমি এক সমারে এগত্তর্ অ। আঢঅ, আমি দেবাল ঘিজ্যে শঅরানিত্ যেই।’

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিহিষ্কেল 33:3

তে দেজ্‌‌‌‌‌‌‌চান বিরুদ্ধে সৈন্যদল এত্তে দেগিনে মানুচ্চচুনোরে উজিয়ার গুরিবাত্তে তূরী বাজেল।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

আমোষ 3:5

ফাল ভিদিরে গিরে ন-থেলে কি পেগ্‌‌‌‌‌কুনে ফাল ইধু এজন্? ধুরিবাত্তে কিজু ন-পেলে কি ফাল্লো ফাল্যে উদে?

সফনিয় 1:16

সিবে অবঅ দেবাল্ ঘিজ্যে বেক্ শঅরানির্ বিরুদ্ধে আর কোণার্ বেক অজল্ চুগিদার-ঘরর বিরুদ্ধে শিঙে রঅ আর যুদ্ধোর্ ডাগনির দিন।

সখরিয় 8:10

সেই কামান্ আরাম্ভ গুরিবার আগে কনজনে মান্‌‌জ্যর বেতন বা য়েমান ভাড়া দি ন-পারিদাক্, কিত্যে মুয়ই পত্তি জনরে তার পাড়াল্যেগুনো বিরুদ্ধে উচ্চোমি দুয়োং।‌‌

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।