আমোষ 3:5 - Chakma Bible

⁵ ফাল ভিদিরে গিরে ন-থেলে কি পেগ্‌‌‌‌‌কুনে ফাল ইধু এজন্? ধুরিবাত্তে কিজু ন-পেলে কি ফাল্লো ফাল্যে উদে?

আমোষ 3:5 ပူးပေါင်းရင်းမြစ်များ

গীতসংহিতা 140:5

বাড়্‌বো গুরিয়্যে মানুচ্চুন্ মত্তে ফাল্ আর দুড়ি ঠিগ্ গুরি রাগেয়ো; তারা পধ কুরে তারার্ জালানি বিজেই রাগেয়োন্ আর মত্তে ফাল্ পাত্যন্।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিরমিয় 31:28

মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

দানিয়েল 9:14

সেনত্তে ও লগেপ্রভু, তুই দযা যুক্কোল্ গুরি রাগেয়োচ্ যেন সিয়েন ইক্কিনে আমা উগুরে পাধেই দি পারচ্, কিয়া আমা গোজেন লগেপ্রভু বেক্ কামানিত্ ন্যায়বলা; তো আমি তঅ কধা ন-শুনিই।

আমোষ 3:4

শিগের্ গোজ্যে য়েমান্ ন-থেলে কি সিংহ ঝুব্-ঝাড় ভিদিরে গুজুরে? কিজু ধুরি ন-পারিলে কি বোল্যে সিংহবো তা গাঢ ভিদিরে গো গো গরে?

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?