আমোষ 3:2 - Chakma Bible

² “পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

আমোষ 3:2 ပူးပေါင်းရင်းမြစ်များ

পত্থম 10:32

ইগুনে অলাক্ বংশ আর জাদ্ ইজেবে নোহ পুয়োগুনোর্ ভালোক্ পরিবার। পানি বান পরেদি তারা বংশর মানুচ্চুনে নানান্‌ জাদ্ ওইনে গদা পিত্‌থিমীয়ানত্‌ ছিদি পড়িলাক্‌।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 10:25

যিদুক্কুন জাদে তরে স্বিগের্ ন-গরন, যিগুনে তরে ন-ডাগন, তারা উগুরে তঅ রাগ্‌‍‍‍কান ঢালি দে। তারা যাকোবরে পুরোপুরি ভস্ত গোজ্যন, তারা দেজ্‌‍‍‍চানরে ভস্ত গুরি দুয়োন।

যিরমিয় 11:22

মুই বেগত্তুন্ খেমতাবলা লগেপ্রভু কঙর্, মুই তারারে সাজা দিম। তারার গাবুজ্যেগুনে যুদ্ধোত্ আর তারার ঝি-পুয়োগুনে ভাদ রাদে মুরি যেবাক্।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 9:25

লগেপ্রভু কোইয়্যেদে, “এমন দিন এজের্ যেক্কে মুই মিসর, যিহূদা, ইদোম, অম্মোন, মোয়াব আর ধূল্যেচর-চাগালাত্ বজত্তি গুরিয়্যে যিগুনে মাঢাবোর দ্বি ডাগেদি চুল কাবন্ তারারে বেক্কুনোরে সাজা দিম। তারারে বানা কিয়্যেদি চুনুগুলোবোর মাঢাবো চামান্ কাবা ওইয়্যে, মনেদি চুনুগুলোবোর্ মাঢাবোর্ চামান্ কাবা ন-অয়; আর ইস্রায়েলীয়গুনোরেয়ো মনেদি চুনুগুলোগুনোর্ মাঢাগুনোর্ চামান্ কাবা ন-অয়।”

যিহিষ্কেল 5:9

তর্ বেক্ জঘন্য মূত্তিগুনোত্তে মুই তঅ উগুরে যিয়েনি গুরিম সিয়েনি মুই আগে কনদিন্‌অ ন-গরং আর কনদিন্‌অ ন-গুরিম।

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 5:3

মুই ইফ্রয়িম পৌইদ্যেনে বেক্কানি হবর্ পাং; ইস্রায়েল মত্তুন্ লুগেয়্যে নেই। ইফ্রয়িম ইক্কিনে বেভিচের্ গরের্; ইস্রায়েল অসিজি ওই যেইয়্যে।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

আমোষ 3:3

আগেত্তুন্ ধুরি ঠিগ্ ন-গুরিলে কি দ্বিজনে এক সমারে কুদু যায়?

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।

নহূম 3:4

ইয়েনি বেক্কানি অর্ সেই বেশ্যেবোর্ বোউত্ বেশ্যেগিরিত্তে; তে জদবদে দোল্ আর নানান্ বাবোত্যে যাদুকরী। তার বেশ্যের্ কামানিলোই তে জাদ্‌তুনোরে আর যাদু বিদ্যেলোই মানুচ্চুনোরে বন্দী গরে।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

রোমীয় 2:9

যিগুনে পাপ গুরিনে বেড়ান্ তারার্ পত্তিজনর্ দুঘ্-দুদ্দশা অবঅ-পত্তমে যিহূদীগুনোর্, সে পরেদি অযিহূদীগুনোর।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

দ্বি’লম্বর বিররণ 10:15

তো তমার্‌ পুরোণি মানুচ্চুনো উগুরে তার্‌ টান্ এলঅ বিলিনে তে তারারে কোচ্‌পেইয়্যে। তে পুরো জাদ ভিদিরেত্তুন্‌ তারার্‌ বংশধরুনোরে, অত্তাৎ তমারে বেঈ লোইয়্যে আর এচ্চ্যেয়ো তুমি সেই বেঈ লোইয়্যে জাদ ইজেবে আগঅ।

দ্বি’লম্বর বিররণ 26:18

আর লগেপ্রভুয়ো এচ্চ্যে ফগদাং গোজ্যেদে, তার এগেম্ মজিম তুমি তারই মানুচ্‌ আর তার্‌ নিজোর সোম্বোত্তি ওইয়ো। তার বেক্‌ উগুমানি তমাত্তুন মানি চলা পড়িবো।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

দ্বি’লম্বর বিররণ 4:32

গোজেনে পিত্‌থিমীত মানুচ্‌ সৃট্টি গরানার্‌ পরেত্তুন্‌ ধুরি তমার্‌ সময়োত্‌ পুরোণি দিনুনোত্‌ তুমি তোগেই চঅ্‌; আগাজর্‌ এক কিত্তেত্তুন্‌ ধুরি অন্য কিত্তেন্দি সং তোগেই চঅ, যিয়েনি যিয়েনি ঘদের্‌ সিয়েনি ধোক্ক্যেন দাঙর্‌ আর কিজু ঘদের্‌ নাহি, বা সিয়েনি ধোক্ক্যেন আর কনঅ কিজুর্‌ কধা শুনো যেইয়্যে নাহি,

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?