আমোষ 3:10 - Chakma Bible

^10-11 প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 3:10 ပူးပေါင်းရင်းမြစ်များ

ইয়োব 20:21

গজক্‌ গরেদে ধোক্ক্যেন্ তার্‌ আর কিচ্ছু বাগি ন-থেবঅ; তার সুভাগ্যগান্‌ থিদেবর্‌ ন-অবঅ।

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গম্ উপদেজ্ 1:13

সেক্কে আমি নানান্ বাবোত্যে মংগা মংগা জিনিস পেবং, আর লুদেয়্যে জিনিসছোই আমা ঘরানি ভোরেবং।

গম্ উপদেজ্ 11:16

দোল্ স্বভাবর মিলে সর্মান পায়, আর অত্যেচারি মানুচ্চুনে ধন পান।

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:4

মুই ভাবিলুং, “তারা নাঢা আর ভুল্, কিত্তে তারা লগেপ্রভুর পথ্‌তান আর তারার গোজেনর সুদোমানি হবর্ ন-পান।‌

যিহিষ্কেল 18:7

তে কাররে অত্যেচার্ ন-গরে বরং সুদি টেঙা লোইয়্যে মান্‌জ্যরে বন্ধগী জিনিস ফিরেই দে। তে চুর্ ন-গরে, মাত্তর্ যিগুনোর পেট্ পুরের্ তারারে হেবাত্তে দে আর লাংটা-বাংটা গুনোরে কাবড় দে।

যিহিষ্কেল 22:29

দেজ মানুচ্চুনে অত্যেচার আর ডাগেত্ গরন্; তারা নাঢা আর অভাবীগুনো উগুরে অন্যেয় গরন আর ন্যায়বিচের্ ন-গুরিনে বিদেশীগুনো উগুরে অত্যেচার গরন্।

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

মীখা 6:10

পাজি মানুচ্চুনোর্ ঘরত্ অসৎ উপায়ে পেইয়্যে ধন-সোম্বোত্তি আর ঠোগেবার মাবেদে আড়ি আঘে যিবে মুই ঘিনাং।

সফনিয় 1:9

যিগুনে ফাল্যেনে চৌকাঠ পার্ অন আর অত্যেচার আহ্ ছলনালোই তারার্ দেবেদাগুনোর্ ঘরানি ফেলেং ফেলেং গরন্ সেদিন্যে মুই তারারে সাজা দিম।”

২ পিতর 3:5

এই মানুচ্চুনে আওজ্ গুরিনে ভুলি যান্, ভালোক্ দিন আগে গোজেনর্ কধালোই আগাজ্‌চান সৃট্টি ওইয়্যে আর পানিলোই আহ্ পানি ভিদিরেত্তুন্ পিত্‌থিমীগান্অ সৃট্টি ওইয়্যে।