আমোষ 2:9 - Chakma Bible

⁹ ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

আমোষ 2:9 ပူးပေါင်းရင်းမြစ်များ

পত্থম 15:16

মাত্তর্‌ তঅ বংশর্‌ চের্‌ আজু মানুচ্চুনে ইধু ফিরি এবাক্‌, কিত্তে পাপ গর্‌তে গর্‌তে ইমোরীয়গুনে এযঅ এমন্‌ অবস্তাদ্‌ যেইনে ন লুমোন্দোই যিয়েনত্ত্যে মত্তুন্‌ তারারে সাজা-দিয়া পুড়িবো।

ইয়োব 18:16

তলেদি তার্‌ শিঙোরান্ শুগেই যেবঅ আর উগুরে তার্‌ ডেলা-পাদানি মুরি যেবঅ।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

যিশাইয় 10:33

চঅ, বেগত্তুন্ খেমতাবলা গোজেন প্রভু লগেপ্রভু দাঙর্ খেমতালোই ডেলাগুন্ ভাঙি ফেলেব। অজল্ অজল্ গাজ্‌চুন কাবি ফেলা অবঅ; সিগুন মাঢিত্ পড়িবাক্।

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিহিষ্কেল 17:9

“তুই তারারে কঅ, প্রভু লগেপ্রভু কোইয়্যেদে, ‘তে কি বাড়ি উদিবো? তে যেনে শুগেই যায় সেনত্তে কি তারে উগুরে ফেলেইনে তা ফলুন্ ফেলেই দিয়্যে অবঅ? তার্ নুয়ো গোজেয়্যে আগা বেক্কুন শুগেই যেবাক্। তার শিঙোর্ ধুরি তুলি ফেলেবাত্তে কনঅ খেমতাবলা আঢ্ বা ভালোক্কুন মানুচ্ ন-লাগিবাক্।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

গণাণা 32:13

ইস্রায়েলীয়গুনো উগুরে লগেপ্রভু রাগে জুলি উঠ্যে আর তা চোগোত্‌ ভান্ন্যেই কাম্‌ গোজ্যে সেই বেক্‌ মানুচ্চুন্‌ শেজ্ ন-ওই যানা সং চোল্লিশ বজর্‌ ধুরিনে তে তারার্‌ ধূল্যেচর-চাগালা ভিদিরে নানান্‌ জাগাত্‌ গুরেয়োন্।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।