আমোষ 2:7 - Chakma Bible

⁷ ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

আমোষ 2:7 ပူးပေါင်းရင်းမြစ်များ

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

১ রাজাবলী 21:4

“মঅ বাপ-দাদার সোম্বোত্তিগানি মুই তরে ন-দিম্‌,” যিষ্রিয়েলীয় নাবোতর এ কধানিত্তে আহাবে মুয়োন্‌ কালা গুরিলো আহ্‌ কুজুক্ ওইনে ঘরত্‌ ফিরি গেলঅ। তে বিচ্ছোনত্‌ পুরিনে মুয়োন্‌ ফিরেই রলঅ, হেবাত্তে ন-চেলঅ।

গম্ উপদেজ্ 28:21

বিচেরত্ কার তপ্পে নেযানা ঠিগ্ নয়; যে সিয়েনি গরে তে এক কট্টা রুটিত্তেয়ো অন্যেয় গুরি পারে।

যিশাইয় 10:1

অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিহিষ্কেল 22:11

পাড়াল্যে মিলে সমারে, পুদোবো সমারে আর নিজো সাদাঙা বোন সমারে বেভিচের্ গরন।

যিহিষ্কেল 36:20

তারা জাদ ভিদিরে যিয়েনত্ যেইয়োন সিয়েনত্ মর্ পবিত্র নাঙান্ অপবিত্র গোজ্যন, কিত্যে মান্‌‌‌‌‌‌‌‌‌জ্যে তারা পৌইদ্যেনে কোইয়োন, ইগুনে লগেপ্রভুর মানুচ্, অদচ তাঁর দেজ্‌চান তারাত্তুন্ ছাড়ি দিয়্যে পোজ্যে‌‌‌‌‌‌‌‌‌।

হোশেয় 4:14

তমা মিলেগুন বেশ্যে অলে আর ফুদো বৌগুন্ বেভিচের্ গুরিলে মুই সাজা ন-দিম, কিয়া মরত্তুন্ নিজে বেশ্যেগুনো ইধু যান্ আর মন্দির-বেশ্যেগুনো লগে য়েমান উৎসর্ব গরন। এই বুদ্ধিনেইয়্যে জাদে ভস্ত ওই যেবঅ।

লেবীয় 18:15

পুদোবো সমারে কিয়্যেদি মিজেনা ন-চলিবো। তে পূঅবোর্‌ মোক্‌ বিলিনে তা সমারে কিয়্যেদি মিজেনা ন-চলিবো।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

লেবীয় 18:8

সাদাঙা মা-সমারে কিয়্যেদি মিজেনা ন-চলিবো। সিয়েন্‌ গুরিলে বাপ্পোরে অগমান গরা অবঅ।

লেবীয় 20:3

তাত্তুন্‌ মুই মুয়োন্‌ ফিরেই নিম্‌ আর তা জাদত্তুন্‌ মুই তারে তুলি ফেলেম, কিত্যে মোলক দেবেদা ইদু তার্‌ পূঅবো উৎসর্ব গুরিনে তে মর্‌ পবিত্র তাম্বুলান্ ফি-বলা গোজ্যে আর মর্‌ পবিত্র নাঙানর্‌ পবিত্রতাগান্‌ বরবাদ্ গোজ্যে।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

মীখা 2:9

মঅ মানুচ্চুনোর মোগ্‌‌কুনোরে তুমি তারার্ কোচ্‌‌পেইয়্যে ঘরত্তুন্ ধাবেই দুয়োর্। মঅ আশিদ্‌‌বাদত্তুন্ তারার্ পুয়ো-ঝিগুনোরে তুমি উমরত্তে বাদ দুয়োর্।

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

রোমীয় 2:24

পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।