আমোষ 2:6 - Chakma Bible

⁶ লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

আমোষ 2:6 ပူးပေါင်းရင်းမြစ်များ

২ রাজাবলী 18:11

আসিরিয়ার রাজা ইস্রায়েলর মানুচ্চুনোরে বন্দী গুরিনে আসিরিয়াত্‌ নেযেল আর হলহে, হাবোর গাঙ পারত্‌ গোষণ চাগালাত্‌ আর মাদীয়গুনো শঅরানিত্‌ তারারে বজত্তি গুরিবাত্তে দিলো।

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিহিষ্কেল 22:13

“‘তুই যে অন্যেয় গুরি লাভ্ গোজ্যস্ আর তঅ ভিদিরে যে লো ঝোরেয়োচ্ সিয়েনত্তে মুই হামাক্কায় মঅ আঢ্‌তানিলোই আঘাত্ গুরিম।‌

যোয়েল 3:3

তারা মঅ মানুচ্চুনোরে ভাগ গুরি নিবাত্তে চাম্বা চেইয়োন আর বেগেয়্যে পেবাত্তে তারা ইস্রায়েলীয় পুয়োগুনোরে বিজি দোন্; আংগুর-রজত্তে তারা ইস্রায়েলীয় মিলেগুনোরে বিজি দোন্ যেনে তারা আংগুর-রজ্ হেই পারন।

যোয়েল 3:6

তুমি যিহূদা আর যিরূশালেম মানুচ্চুনোরে তারা দেজত্তুন্ দূরোত্ সোরেই দিবাত্তে গ্রীককুনো ইধু বিজি দুয়ো।

সখরিয় 11:5

যিগুনে তারারে কিনি নেযান্ তারা তারারে কাবন্ মাত্তর্ নিজোরে দুষি মনে ন-গরন। যিগুনে তারারে বেজন্ তারা কন্, ‘লগেপ্রভুর বাঈনী ওক্, মুই তাগোয়্যে ওইয়োং।’ তারার্ গরগ্‌‌কুনে তারা উগুরে দোয়্যে ন-গরন।