আমোষ 2:3 - Chakma Bible

³ তার রাজারে মুই ভস্ত গুরিম আর তা সমারে তার্ বেক্ শাজন্‌গুরিয়্যেগুনোরে মারে ফেলেম।”

আমোষ 2:3 ပူးပေါင်းရင်းမြစ်များ

ইয়োব 12:21

তে দাঙর্‌ পোজিশনর্‌ মানুচ্চুনোরে ঘিনাই আর বোলীগুনোরে আত্যার্‌ছাড়া গরে।

গীতসংহিতা 141:6

তারার্ শাজন্‌গুরিয়্যেগুনোরে অজল্ মুড়ো উগুরেত্তুন্ তলেদি ফেলেই দিয়্যে অবঅ; সেক্কে তারা মঅ কধানি শুনিবাক্, কিত্তে সিয়েনি মধুর।

গীতসংহিতা 2:10

সেনত্তে ও রাজাগুন্, তুমি ইক্কিনে গমেডালে আঢঅ; পিত্‌থিমীর শাজন্‌গুরিয়্যেগুন, উজিয়ার অ।

যিশাইয় 40:23

তে রাজাগুনোরে খেমতানেইয়্যে গরে আর এ সংসারর্ শাজন্‌গুরিয়্যেগুনোরে বাজে জিনিজো ধোক্ক্যেন গরে।

যিরমিয় 48:25

মোয়াবর খেমতার্ শিঙুন্ কাবি ফেলা ওইয়্যে; তা আঢ্‌‌তানি ভাঙি ফেলা ওইয়্যে।

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।