আমোষ 2:15 - Chakma Bible

¹⁵ ধনুবলাগুনে উজুগুরিনে থিয়্যেই ন-পারিবাক্, যাদিমাদি দাবা যেইয়্যে মানুচ্চুনে ধেই ন-পারিবাক্; এমন কি, ঘোড়া চালেয়্যেবোয়ো নিজো পরাণান রোক্ষ্যে গুরি ন-পারিবো।

আমোষ 2:15 ပူးပေါင်းရင်းမြစ်များ

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিরমিয় 51:56

বাবিল বিরুদ্ধে এবঅ ভস্তগুরিয়্যেবো; তা যোদ্ধাগুনে ধরা পড়িবাক্ আর তারার ধনুগানি ভাঙি যেবঅ; কিত্যে লগেপ্রভু হেনাসুজিয়ে গোজেন; বাবিলোরে তারা সাজা তারারে দিবো।

যিহিষ্কেল 39:3

সে পরেদি মুই আঘাত গুরিনে তঅ বাঙ্ আঢত্তুন্ তঅ ধনুগান আর ডেন্ আঢত্তুন্ তর্ সেলুন্ ফেলেই দিম।

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।