আমোষ 2:11 - Chakma Bible

¹¹ ও ইস্রায়েলর্ মানুচ্চুন, এ কধাগান কি সত্য নয় যে, মুই তমা পুয়োগুনো ভিদিরেত্তুন্ কয়েক জনরে ভাববাদী আর কয়েক জনরে নাসরীয় ইজেবে বেঈ লোইয়োং?

আমোষ 2:11 ပူးပေါင်းရင်းမြစ်များ

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 19:16

ইয়েনবাদেয়ো নিম্‌শির নাদিন্‌ যেহূরে ইস্রায়েলর রাজার পদথ্‌ অভিষেগ্ গর্‌, আর তঅ পথ্‌তানত্‌ ভাববাদী অবাত্তে আবেল-মহোলার শাফটের পূঅ ইলীশায়রে অভিষেগ্ গর্‌।

১ রাজাবলী 20:13

এ ভিদিরে ইস্রায়েলর রাজা আহাবর ইদু ইক্কো ভাববাদী এইনে এ কধাগান ফগদাঙ্‌ গুরিলো, “লগেপ্রভু কোইয়্যেদে, ‘তুই জদবদে দাঙর্‌ সৈন্যদল্লো দেগর্‌? এচ্ছ্যে মুই তারারে তঅ আঢত্‌ তুলি দিম্‌ আর সেক্কে তুই হবর্ পেবেদে, মুয়ই লগেপ্রভু।’”

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

১ রাজাবলী 20:41

সেক্কে সে ভাববাদীবো যাদিমাদি চোগো উগুরেত্তুন্‌ মাঢাবোর্‌ কাবড়ান্‌ সোরেই ফেলেল আর ইস্রায়েলর রাজা তারে ভাববাদীগুনোত্তুন্‌ এক্কো বিলিনে চিনি পারিলো।

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ রাজাবলী 6:1

একদিন্যে শিচ্চ্য-ভাববাদীগুনে ইলীশায়রে কলাক্‌, “চাহ্, যে জাগানত্‌ আমি তঅ লগে কধা কবাত্তে বুজিই সে জাগাগান্‌ আমাত্তে অমকদ চিগোন্‌।

২ বংশধর 36:15

ইস্রায়েলীয়গুনোর পূরোণিমানুচ্চুনোর গোজেন লগেপ্রভু বার্‌ বার্‌ মানুচ্‌ পাদেইনে তারারে উজিয়ার্‌ গুরিদো, কিত্যে তার্‌ মানুচ্চুনোর্‌ আর তার্‌ থেবার্‌ ঘরানি উগুরে তার্‌ দোয়্যে-মেইয়্যে এলঅ।

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 7:25

তমা পুরোণি মানুচ্চুনে যেক্কে মিসর ছাড়ি এচ্চ্যন্ সেক্কেত্তুন ধুরি এচ্চ্যে সং দিনকে দিন মুই তমা ইধু মর্ বেক চাগরুনোর, অত্তাৎ ভাববাদীগুনোরে পাধেই এজঙর্।

আবিলেচ্ 4:7

তারার্ বেঈ লোইয়্যে নেতাগুনে এলাক্ তুষারত্তুন্‌অ বেশ্ জোল্‌জোল্যে, দুধোত্তুন্‌অ বেশ্ ধুব্ এলাক্; তারার্ কিয়্যেগানি প্রবাল পাত্তরত্তুন্‌অ বেশ্ রাঙা এলঅ আর চেঙেরা এলদে নীলকান্তমণি ধোক্ক্যেন্।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

প্রেরিত্‌ 4:18

ইয়েন্অ পরেদি তারা পিতর আর যোহনরে আরঅ ভিদিরে ডাগি আনিলাক্ আর উগুম্ দিলাক্ যেন তারা যীশু পৌইদ্যেনে আর কনঅ কধা ন-কন্ বা শিক্ষ্যে ন-দুয়োন।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।

১ শমূয়েল 3:20

সেক্কে দান চাগালাত্তুন বের্‌-শেবা সং বেক্‌ ইস্রায়েলীয়গুনে জানি পারিলাক্, শমূয়েলে লগেপ্রভুর ভাববাদী ইজেবে ফগদাং ওইয়্যে।