আমোষ 2:10 - Chakma Bible

¹⁰ ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

আমোষ 2:10 ပူးပေါင်းရင်းမြစ်များ

নহিমিয় 9:21

ধূল্যেচর-চাগালাত্‌ চোল্লিশ বজর্‌ সং তুই তারারে পালেয়োজ্‌। তারার্‌ কনকিজু অভাব ন-অয়; তারার্‌ কাবড়-চুগোড়ানিয়ো পূরোণ্‌ ন-অয় আর তারার্‌ টেঙানিয়ো ন-ফুলে।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিহিষ্কেল 20:10

মুই মিসরত্তুন্ তারারে নিগিলেনে ধূল্যেচর-চাগালাত্ আনিলুং।

আমোষ 3:1

ও ইস্রায়েলর মানুচ্চুন, তমা বিরুদ্ধে, অত্তাৎ লগেপ্রভু যিগুনোরে মিসরত্তুন্ নিগিলেই আন্যে সেই পুরো জাদ বিরুদ্ধে তে যিয়েনি কোইয়্যে সিয়েনি শুনো:

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 13:32

তারা যে দেজ্‌চানর খোঁজ-খবর লোই এচ্ছ্যন্‌ ইস্রায়েলীয়গুনো ইদু সেই দেজ্‌চানর্‌ পৌইদ্যেনে এক্কান্‌ বাজে কধা উড়ে দিইনে কলাক্কে, “আমি যে দেজচানর্‌ খোঁজ-খবর লোই এচ্ছ্যেই সেই দেজ্‌চানে তার্‌ আদাম্মেগুনোরে গিলিনে খেই ফেলায়। যিদুক্কুন্‌ মানুচ্‌ আমি সিয়েনত্‌ দেক্ক্যেই তারারে দেগদে অমহদ দাঙর্‌।

গণাণা 21:25

ইস্রায়েলীয়গুনে হিষ্‌বোন আর তার্‌ কায়-কুরে আদামানি সুদ্ধো ইমোরীয়গুনোর বেক্‌ শঅরানি গজক্ গুরি নিলাক আর সিয়েনত্‌ বজত্তি গরা ধুরিলাক্।

গণাণা 32:13

ইস্রায়েলীয়গুনো উগুরে লগেপ্রভু রাগে জুলি উঠ্যে আর তা চোগোত্‌ ভান্ন্যেই কাম্‌ গোজ্যে সেই বেক্‌ মানুচ্চুন্‌ শেজ্ ন-ওই যানা সং চোল্লিশ বজর্‌ ধুরিনে তে তারার্‌ ধূল্যেচর-চাগালা ভিদিরে নানান্‌ জাগাত্‌ গুরেয়োন্।

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

দ্বি’লম্বর বিররণ 1:39

যিদুক্কুন্‌ ঝি-পূঅরে বানিনে নেযা অবঅ বিলিনে তুমি কোইয়ো তমার্‌ সেই বেক্‌ ঝি-পূঅগুনে, যিগুনোর গম্‌-বজঙর্‌ জ্ঞান এজঅ‌ ন অয়, সিগুনেই সেই দেজত্‌ সুমিবাক। মুই দেজ্‌ছান তারারে দিম্‌ আর তারা সিয়েন্‌ গজক্ গুরিবাক।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

যিহোশূয় 24:8

ইয়েনর্ পরেন্দি মুই যর্দনর পূগেন্দি আদাম্মে ইমোরীয়গুনোর দেজত্‌ তমারে আনিলুং। তারা তমা বিরুদ্ধে যুদ্ধো গুরিলাক্‌ মাত্তর্‌ মুই তমা আঢত্‌ তারারে তুলি দিলুং। তমা মুজুঙোত্তুন্‌ মুই তারারে ভস্ত গুরি ফেলেলুং আর তুমি তারার্‌ দেজ্‌চান গজক্ গুরি নেযেলা।