আমোষ 1:7 - Chakma Bible

⁷ সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

আমোষ 1:7 ပူးပေါင်းရင်းမြစ်များ

২ রাজাবলী 18:8

গাজা আর তার বেক্‌ চাগালানি ভিদিরে যেদক্কানি জাগাত্‌ পলেষ্টীয়গুনে বজত্তি গুরিদাক্‌ তে তারারে আক্রমণ গুরিনে ওদেই দিলো।

২ বংশধর 26:6

তে পলেষ্টীয়গুনো বিরুদ্ধে যুদ্ধো গুরিলো আর গাৎ, যব্‌নির আর অস্‌দোদ দেবালান্‌ ভাঙি ফেলেল। সে পরেন্দি তে অস্‌দোদ চাগালাত্‌ আর পলেষ্টীয়গুনোর অন্য জাগায়ানিত্‌ কয়েক্কান্‌ দেবাল-ঘিজ্যে আদাম আরঅ তুলিলো।

যিরমিয় 47:1

ফরৌণে গাজা আক্রমণ গুরিবার আগেদি পলেষ্টীয়গুনো পৌইদ্যেনে লগেপ্রভুর এ কধানি ভাববাদী যিরমিয় ইধু ফগদাং অলঅ,

যিরমিয় 47:5

গাজা আবিলেচ্ গুরিনে তা মাঢাবো মুড়েব; অস্কিলোনরে ভস্ত গরা অবঅ। ও কলগর্ বাদবাগি মানুচ্চুন, আর কয়দিন তুমি নিজো কিয়্যেনি কাবিবা?

যিহিষ্কেল 30:8

যেক্কে মুই মিসরত্ আগুন বাজেই দিম আর তার বেক্ বল্‌‌‌দিয়্যেগুনে চুরমার ওই যেবাক্ সেক্কে তারা হবর্ পেবাক, মুয়ই লগেপ্রভু।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

আমোষ 1:4

সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 1:6

লগেপ্রভু কত্তে, “গাজার তিনেন্ পাপ, এন্ কি, চেরান পাপর্ কারনে মুই ঘেচ্চেকগুরি তারে সাজা দিম, কিত্যে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

সফনিয় 2:4

গাজাগানত্ মানুচ্ নেইয়্যে অবঅ আর অস্কিলোনান্ ভস্তর্ জাগা ওইনে পড়ি থেবঅ। দিনোত্ অস্‌দোদর মানুচ্চুনোরে ধাবেই দিয়্যে অবঅ আর ইক্রোণরে উগুরেই ফেলা অবঅ।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”