আমোষ 1:6 - Chakma Bible

⁶ লগেপ্রভু কত্তে, “গাজার তিনেন্ পাপ, এন্ কি, চেরান পাপর্ কারনে মুই ঘেচ্চেকগুরি তারে সাজা দিম, কিত্যে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 1:6 ပူးပေါင်းရင်းမြစ်များ

২ বংশধর 28:18

ইন্দি আরঅ পলেষ্টীয়গুনে সেক্কে তলে মুড়োমুড়ি চাগালার্‌ আদামানিত্‌ আর যিহূদার নেগেভত্‌ হানা দুয়োন্‌। তারা বৈৎ-শেমশ, অয়ালোন, গদেরোৎ আর কায়-কুরে জাগানিসুদ্ধো সোখো, তিম্না আর গিম্‌সো গজক্ গুরিনে সিদু বজত্তি গোজ্যন্‌।

যিরমিয় 47:1

ফরৌণে গাজা আক্রমণ গুরিবার আগেদি পলেষ্টীয়গুনো পৌইদ্যেনে লগেপ্রভুর এ কধানি ভাববাদী যিরমিয় ইধু ফগদাং অলঅ,

যিহিষ্কেল 35:5

তুই ভালোক্ দিন ধুরিনে ইস্রায়েলর শত্রু ওই আগচ্ আর তারার্ দযার্ দিনোত্ যেক্কে তারারে সাজা পুরোপুরিভাবে দিয়্যে ওইয়্যে সেক্কে তুই লাম্বা ছুরি আঢত্ তারারে তুলি দুয়োচ্।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

যোয়েল 3:6

তুমি যিহূদা আর যিরূশালেম মানুচ্চুনোরে তারা দেজত্তুন্ দূরোত্ সোরেই দিবাত্তে গ্রীককুনো ইধু বিজি দুয়ো।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

আমোষ 1:3

লগেপ্রভু কত্তে, “দামেস্কর তিনেন্ পাপ, এমন কি, চেরান্ পাপত্তে মুই হামাক্কায় তারে সাজা দিম, কিত্যে লুয়োর্ কাদাবলা মাড়েদে-মেশিনদোই তে গিলিয়দরে মাজ্যে।

আমোষ 1:7

সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

ওবদিয় 1:11

অন্য দেজর্ মানুচ্চুনে যেক্কে যাকোবর ধন-সম্বোত্তিগানি নেযাদন্ আর তা গেট্টোদি সোমেইনে যিরূশালেমত্তে চাম্বা চেইয়োন সেক্কে তুই দূরোত্ থিয়্যেই এলে; তুই তারা ধোক্ক্যেন এক্কো ওইয়োচ্।

সখরিয় 9:5

অস্কিলোনে সিয়েন দেগিনে দোরেব, গাজাগানে যন্ত্রণায় মজরা হেবঅ আর ইক্রোণর দজাও সেবাবোত্যে অবঅ, কিত্যে তার আজা পূরোণ ন-অবঅ। গাজাগানে তার্ রাজাবোরে আরেব আর অস্কিলোনত্ কনজনে বজত্তি ন-গুরিবাক্।

প্রেরিত্‌ 8:26

এক দিন্ন্যে প্রভুর এক্কো দূত্ ফিলিপরে কলঅ, “উঠ্, দোগিণেদি যে পধ্‌তান যিরূশালেমত্তুন্ গাজা শঅর ইন্দি যেয়্যে সে পধ্‌তান ইন্দি যাহ্।” পধ্‌তান এলঅ ধূল্যেচর ভিদিরে।

১ শমূয়েল 6:17

লগেপ্রভুর নাঙে দুষ-স্বীগের্ ইজেবে পলেষ্টীয়গুনোর যেদক্কানি শঅরর্‌ পক্ষত্তুন এক্কো গুরি সনার টিউমার পাদেয়োন সিয়েনি অলঅ অস্‌দোদ, গাজা, অস্কিলোন, গাত আর ইক্রোণ।