আমোষ 1:5 - Chakma Bible

⁵ মুই দামেস্কর গেদো হুক্কো ভাঙি ফেলেম; মুই আবন কলগর্ মানুচ্চুনোরে আর বৈৎ-এদনত্ যে মানুচ্চো রাজলুদিক্কো ধুরি আঘে তারে ভস্ত গুরিম। অরামর মানুচ্চুনোরে বন্দী ওইনে কীরে ইদু যেবাক্।”

আমোষ 1:5 ပူးပေါင်းရင်းမြစ်များ

২ রাজাবলী 14:28

যারবিয়ামর অন্য বেক্‌ কাম কধানি, যুদ্ধোত্‌ তার্‌ জিদেনার্‌ কধানি আর এক সময়োত্‌ যিহূদার গজগত্ থেইয়্যে দামেস্ক আর হমাৎ কেধোক্ক্যেনগুরি তে ইস্রায়েলত্তে আরঅ গজক্ গুরি নেযেয়্যে সে কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 16:9

আসিরিয়ার রাজা রাজী ওইনে দামেস্কগান্ আক্রমণ গুরিনে সিয়েন্‌ গজক গুরি নেযেল। তে সিদুগোর্‌ মানুচ্চুনোরে বন্দী গুরিনে কীরোত্‌ নেযেল আর রৎসীনরে মারে ফেলেল।

যিশাইয় 22:6

এলমর মানুচ্চুনে সেল্ থবার্ কাল্লোঙো তুলি নেযেয়োন; তারা সমারে রথ আর ঘড়া চালেয়্যেগুনোর দল্লো আঘে। কীরোর মানুচ্চুনে ঢাল্লোই যুক্কোল্ ওইয়োন।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

যিরমিয় 50:36

তার্ ভন্ড ভাববাদীগুনো বিরুদ্ধে রোইয়্যেদে তলোয়ার; তারা ভুল্ ওই যেবাক্। তা যোদ্ধাগুনোর বিরুদ্ধে রোইয়্যেদে তলোয়ার; তারা অমকদ দোরেবাক্।

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

যিহিষ্কেল 27:23

হারণ, কন্নী, এদন আর শিবার বেবসায়ীগুনে আর আসিরিয়া আহ্ কিল্‌‌‌‌‌‌‌‌‌মদ তঅ লগে বেবসা গুরিদাক্।

যিহিষ্কেল 30:17

আবেন আর পী-বেশতর গাবুজ্যেগুনে যুদ্ধোত্ মুরিবাক্ আর অন্য মানুচ্চুনে বন্দীদজাত্ যেবাক্।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

নহূম 3:13

তঅ সৈন্যগুন দঅ বেক্কুন্ মিলে ধোক্ক্যেন্। তঅ দেজর্ গেইট্টুন্ তঅ শত্রুগুনোর্ মুজুঙোত্ এক্কুবারে খুলো রোইয়্যে; আগুনানে সিগুনোর হুক্কুন্ পুড়ি ফেলেয়্যে।