আমোষ 1:14 - Chakma Bible

¹⁴ সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 1:14 ပူးပေါင်းရင်းမြစ်များ

২ শমূয়েল 11:1

জারকালত্‌ যেক্কে রাজাগুনে সচরাসর্‌ যুদ্ধো গুরিবাত্তে নিগিলিদাক্‌ সেক্কে দায়ূদেয়ো যুদ্ধো গুরিবাত্তে যোয়াবরে আর তার্‌ অন্য সেনাপতিগুনোরে আহ্ বেক্‌ ইস্রায়েলীয় সৈন্যগুনোরে পাধেই দিলো। তারা অম্মোনীয়গুনোরে ভস্ত গুরিনে রব্বা শঅরান্‌ ঘিরিলাক্‌। মাত্তর্‌ দায়ূদে যিরূশালেমদই থেলঅ।

২ শমূয়েল 12:26

ইন্দি যোয়াবে অম্মোনীয়গুনোর রাজধানী রব্বা শঅরান্‌ আক্রমণ গুরিনে গজক্ গুরি নেযেল।

২ শমূয়েল 12:31

তে শঅরর্‌ মানুচ্চুনোরে নিগিলেই আনিলো আর আরা, লুয়োর্‌ খন্দা আর কুড়োল্‌লোই তারারে কাম্ বাজেই দিলো। তে তারারে ইট বানাইদে কামত্‌ লাগেল। অম্মোনীয়গুনোর বেক্‌ শঅরানিত্‌ তে সিয়েনি গুরিলো। ইয়েনর্ পরেন্দি দায়ূদে তার্‌ বেক্‌ সৈন্যদলুন লোইনে যিরূশালেমত্‌ ফিরি গেলঅ।

১ বংশধর 20:1

ফাগোন-চোত্ মাজত্ যেক্কেনে রাজাগুনে সচরাসর্‌ যুদ্ধো গুরিবাত্তে নিগিলিদাক্‌ সেক্কে যোয়াবে সৈন্যদলুন্‌ লোইনে নিগিলিদো। তে অম্মোনীয়গুনোর দেজ্‌ছানরে ভস্ত গুরি দিইনে রব্বাত যেইনে সিয়েন্‌ ঘিরিলো। মাত্তর্‌ দায়ূদে যিরূশালেমত্‌ থেলঅ। যোয়াবে রব্বাগান্‌ আক্রমণ গুরিনে সিয়েন্‌ ভস্ত গুরি দিলো।

ইয়োব 39:25

তূরীর রঅবোর্ সমারে সমারে তে নাগেদি রঅ গরে; তে দূরোত্তুন্ যুদ্ধোর বাজ্ পায় আর সেনাপতিগুনোর রঅ ছাড়ানা আহ্ যুদ্ধোর রঅ শুনে।

গীতসংহিতা 83:15

সেবাবোত্যেগুরি তঅ ঝড়ান্দোই তুই তারারে ধাবেই দে; তর্ দর্‌গরেপারা ঝড়ান্দোই অমকদ দর্‌বুক লাগেই দে।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 9:5

যুদ্ধো গুরিবাত্তে এচ্চ্যে পত্তিজনর্ যুদ্ধোর জদা, লো-লোই ভিজে পত্তিজনর্ পোজাক্ আগুন্দোই পুড়ি দিয়্যে অবঅ।

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিহিষ্কেল 21:20

লাম্বা ছুরিগানত্তে অম্মোনীয়গুনোর রব্বা শঅর বিরুদ্ধে যেবার এক্কান পদথ্ আর যিহূদা আর দেবাল-ঘিজ্যে যিরূশালেমর বিরুদ্ধে যেবার অন্য এক্কান পদথ্ চিহ্নো দুয়ো,

যিহিষ্কেল 21:22

তার ডেন্ আঢত্ থোইয়্যে গোণেবার-পড়িবার জিনিস্‌চানে যিরূশালেম ইন্দি পথ্‌তান দেগেই দিবো; সিয়েনত্ তে দেবাল আর গেট্ ভাঙিবার মিশিন বোজেব, মারে ফেলেবার উগুম দিবো, যুদ্ধোর্ ডাগনি দিবো, নিযো কুড়্ আর অজল্ কুড়্ বানেব।

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যিহিষ্কেল 25:5

মুই রব্বা শঅরানরে উট রাগেবার জাগা আর অম্মোন দেজছানরে ভেড়া জিরেবার জাগা বানেম। সেক্কে তুমি হবর্ পেবা, মুয়ই লগেপ্রভু।

যিহিষ্কেল 25:7

সেনত্তে তমা বিরুদ্ধে মুই মঅ আঢ্‌‌‌‌তানি বাড়েম্ আর লুদেয়্যে মাল্ ইজেবে অন্য জাদ আঢত্ তমারে তুলি দিম। অন্য জাদ আর দেজ ভিদিরেত্তুন্ মুই তমারে সুলিনে ভস্ত গুরি দিম। সেক্কে তুমি হবর্ পেবা, মুয়ই লগেপ্রভু।’”

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।