আমোষ 1:11 - Chakma Bible

¹¹ লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

আমোষ 1:11 ပူးပေါင်းရင်းမြစ်များ

২ বংশধর 20:10

“ইক্কিনে অম্মোন আর মোয়াব আর সেয়ীর মুড়োবোর মানুচ্চুনে ইদু এচ্ছ্যন্‌। যেক্কে ইস্রায়েলীয়গুনে মিসরত্তুন্‌ নিগিলিনে এত্তন্‌ সেক্কে তুই ইগুনোর দেজত্‌ তারারে সোমেবাত্তে ন-দুয়োচ্‌। সেনত্তে তারা তারারে ভস্ত ন-গুরিনে তারা কায়-কুরেত্তুন্‌ যেয়োন্দোই।

২ বংশধর 20:11

গজক্ গোজ্যে ইজেবে যে সোম্বোত্তিগান্‌ তুই আমারে দুয়োচ্‌ ইক্কিনে রিনি চাহ্, সিয়েনর্‌ বদলে তারা কেধোক্ক্যেন গুরিনে সিয়োত্তুন্‌ আমারে ধাবেই দিবাত্তে এত্তন্‌।

২ বংশধর 28:17

ইয়েন অলদে, ইদোমীয়গুনে আরঅ এইনে যিহূদা আক্রমণ গুরিনে মানুচ্চুনোরে বন্দী গুরিনে নেযেলাক্‌।

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

গীতসংহিতা 85:5

উমরত্যে কি তুই আমা উগুরে তর্ রাগ্‌কান অদে অদে রাগেবে? বংশর পর বংশ ধুরি কি তুই জদবদে গুরি বেজার্ ওই থেবে?

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

হোশেয় 8:3

মাত্তর্ যিয়েন গম্ ইস্রায়েলে সিয়েন এলাফেলা গোজ্যে, সেনত্তে শত্রুবো তা পিজেদি লোড়েব।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

মালাখি 1:2

লগেপ্রভু কত্তে, “মুই তমারে কোচ্‌পেইয়োং‌,” মাত্তর্ তুমি কত্তে, “তুই কেধোক্ক্যেন গুরি আমারে কোচ্‌‌পেইয়োচ্?” ইয়েনর্ জোবত্ লগেপ্রভু কত্তে, “এষৌ কি যাকোবর ভেই ন-এলঅ? তো দঅ মুই যাকোবরে কোচ্‌পেইয়োং মাত্তর্ এষৌরে এলাফেলা গোজ্জ্যং। মুই তা মুড়োগুন ভস্তর্ জাগা বানেয়োং আর তার জাগাগান ধূল্যেচর-চাগালার শিয়েলুনোরে দুয়োং।”

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

ইফিষীয় 5:1

গোজেনর্ কোচ্‌‌‌‌‌‌পেইয়্যে পুয়ো ইজেবে তুমি গোজেন ধোক্ক্যেন গুরি চলঅ।

দ্বি’লম্বর বিররণ 23:7

মাত্তর্‌ ইদোমীয়গুনোরে তুমি ন-ঘিনেবা, কিত্যে তারা তমার ভেই। মিসরীয়গুনোরেয়ো ন-ঘিনেবা, কিত্যে তারার্‌ দেজত্‌ তুমি বিদেশী ইজেবে বজত্তি গোজ্য।