প্রেরিত্‌ 9:41 - Chakma Bible

⁴¹ সেক্কে পিতরে তা আঢ্‌তানি ধুরিনে তারে উদিনে থিয়্যেবাত্তে বল্ দিলো। যেরেদি তে গোজেন মানুচ্চুনোরে আর রানি মিলেগুনোরে ডাগিনে তারারে দেগেল যে, দর্কা বাঁজি উঠ্যে।

প্রেরিত্‌ 9:41 ပူးပေါင်းရင်းမြစ်များ

১ রাজাবলী 17:23

এলিয় সেক্কে পূঅবোরে তুলিনে সে ঘরানত্তুন্‌ তলেন্দি লামেইনে ঘরঅ ভিদিরে গেলঅ। সে পরেন্দি তারে তা মাবোর্‌ ইদু দিইনে কলঅ, “এইয়্যে চাহ্, তঅ পূঅবো বাঁজি আঘে।”

২ রাজাবলী 6:7

সেক্কে তে কলঅ, “সিবে তুলি নেযা।” সেক্কে মানুচ্চো আঢ্ বাবেইনে সিয়েন্‌ তুলি নেযেল।

ইয়োব 29:13

মুরি যাদন্ এবাবোত্যে মান্‌‌জেয়ো মরে বর্ দেদন্; রানিমিলেগুনোর মনত্ মুই হুজ-ফুত্তির্ গান যোগেদুং।

গীতসংহিতা 146:9

লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

মার্ক 1:31

সেক্কে যীশু তা কায়কুরে যেইনে আত্তান্ ধুরিনে তারে তুলিলো। সেক্কে তা জ্বরান্ গম্ অলঅ আর তে তারার্ হানা-দানার্ যুক্কোল্ গুরিলো।

লূকে লেখ্যে গম্ হবর্ 7:12

যেক্কে তে সেই আদাম গেদো ইধু লুমিলো সেক্কে মানুচ্চুনে এক্কো মরা মান্‌জ্যরে বারেদি নেযাদন্। যে মানুচ্চো মুরি যেইয়্যে তে এলদে তা মাবোর্ এক্কোগুরি পুয়ো, আর সেই মাবোয়ো রানী মিলে এলঅ। আদামর্ বোউত্ মানুচ্ সেই রানী মিলেবো সমারে এলাক্।

লূকে লেখ্যে গম্ হবর্ 7:15

সেক্কে যে মুরি যেইয়্যে সে মানুচ্চো উদিনে বুজিলো আর কধা কুয়ো ধুরিলো। যীশু তারে তা মাবো ইধু ফিরেই দিলো।

প্রেরিত্‌ 20:12

মানুচ্চুনে সেই গাবুর্ মরত্তোরে জেদা অবস্থায় ঘরত্ নেযেলাক্ আর জদবদে মনানিরে বুঝেই পারিলাক্।

প্রেরিত্‌ 3:7

পরেদি তে মানুচ্চোর্ ডেন্ আঢ্‌‌তান্ ধুরিনে তারে তুলিলো আর সেক্কেনে তা টেঙানি আর টেঙমূড়িগুন দর অলঅ।

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

প্রেরিত্‌ 9:13

অননিয় কলঅ, “প্রভু, মুই ভালোকজন মুয়োত্ এ মানুচ্চো পৌইদ্যেনে শুন্ন্যং, যিরূশালেমত্ তঅ মানুচ্চুনো উগুরে তে কদক্ অত্যেচার্ গোজ্জ্যে।

প্রেরিত্‌ 9:32

পিতরে বেক্ জাগানিত্ ঘুরি বেড়াদে বেড়াদে লুদ্দা আদামত্ গোজেনর যে মানুচ্চুন এলাক্ তারা ইধু এলঅ।

১ তীমথিয় 5:3

যে রানী মিলেগুনোর্ কেঅ নেই তারারে যত্তন্ গুরিনে দেগাশুনো গরঅ।

১ তীমথিয় 5:5

যে রাণী মিলেবোর্ কেঅ নেই তে গোজেন উগুরে আজা রাগেইনে দিন-রেত্ গোজেন ইধু তবনা আর কোজোলি গরানাত্ থায়।