প্রেরিত্‌ 9:36 - Chakma Bible

³⁶ যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

প্রেরিত্‌ 9:36 ပူးပေါင်းရင်းမြစ်များ

২ বংশধর 2:16

আমি লেবাননত্তুন্‌ তর্‌ দরকার মজিম্‌ বেক্‌ গাজ্‌ছুন কাবিনে একলগে বানিনে বড়্‌ সাগরত্‌ ভাজেইনে যাফো সং নেযেবং। সে পরেন্দি তুই সিগুন্‌ যিরূশালেমত্‌ তুলি নেযেবে।”

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

গম্ উপদেজ্ 5:19

সেই কোচ্‌পেইয়্যে মিলেবো, অমকদ দোল্ মিলেবো; তা বুক্কো তরে নিত্য হুজি রাগোক্, তুই নিত্য তা কোচ্‌পানালোই মিলেমিলি গুরি থেচ্।

পরমগীত 2:9

মর্ পরাণ্যে যেন কৃষ্ণসার বা উরিঙো ছঅ ধোক্ক্যেন্। উই চাহ্, তে আমা দেবাল পিজেদি থিয়্যেই আঘে, তে জানালাদি রিনি চাহ্‌‌‌‌‌‌‌‌র, ‌ জালি ভিদিরেদি ইজিরে দের্। ‌‌‌‌‌‌‌

পরমগীত 3:5

ও যিরূশালেমর্ মিলেগুন্, মুই চুন্নু উরিং আর মাঢ পাড়ি উরিঙুনোর্ নাঙে কোজোলী গুরিনে কঙর্, তুমি কোচ্‌‌‌‌‌‌পানাগানরে ন-জাগেয়ো বা উচ্চোমি তুলি ন-দুয়ো যেদক্কন্ সং তার্ যগাজ্যে সময় ন-অয়।

পরমগীত 8:14

মর্ পরাণ্যে, আঢি আয়; তুম্বাজ্ মজলা-ভরা মুড়ো উগুরে তুই চুন্নু উরিঙো ধোক্ক্যেন্ অ বা উরিঙো ছঅ ধোক্ক্যেন্।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

প্রেরিত্‌ 10:23

সেক্কে পিতরে ঘরঅ ভিদিরে সেই মানুচ্চুনোরে ডাগি আনিলো আর তারার্ থেবার্ আহ্ হানা-দানার্ বেবস্থা গুরিলো।

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:8

বেক্‌ কধানি বুঝেই কনার্ পরেদি কর্ণীলিয় তারারে যাফোদত্ পাধেই দিলো।

প্রেরিত্‌ 11:13

তে এক্কো স্বর্গদূতরে কেধোক্ক্যেন্ গুরি তা ঘরত্ দেক্ক্যে সিয়েন আমারে কলঅ। সেই স্বর্গদূত্‌তো তারে কোইয়্যেদে, শিমোন, যিবেরে পিতর-অ কুয়ো অয়, তারে ডাগি আনিবাত্যে তুই যাফো শঅরত্ মানুচ্‌ পাধা।

প্রেরিত্‌ 11:5

মুই যাফো শঅরত্ তবনা গরঙর্, এমন্ সময়োত্ ঘুম যাত্তে ধোক্ক্যেন্ অবস্থাত্ পড়িনে এক্কান্ দর্শন পেলুং। মুই দেগিলুং দাঙর্ কাবড় ধোক্ক্যেন্ এক্কান জিনিচ্‌ চের্ কুণোত্ ধুরিনে আগাজত্তুন্ মইধু লামেই দিয়্যে অর্।

প্রেরিত্‌ 9:38

যাফো এলদে লুদ্দার কায়কুরে; ইয়েনত্তে শিচ্চ্যগুনে যেক্কে শুনিলাক্, পিতরে লুদ্দাত্ আঘে সেক্কে তারা দ্বিজন মানুচ্‌ তা ইধু পাধেইনে তারে এ কোজোলিগান্ গুরিলাক্, “তুই যাদিমাদি গুরিনে আমা ইধু আয়।”

প্রেরিত্‌ 9:42

এ কধাগান যাফো শঅরর্ বেক্কুনে কোই পারিলাক্ আর ভালোক্জনে প্রভু উগুরে বিশ্বেজ্ গুরিলাক্।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

১ থিষলনীকীয় 4:10

আর ঘেচ্চ্যেকগুরি তুমি ম্যাসিডোনিয়া রেজ্যর বেক্‌ ভেইয়ুনোরে কোচ্‌পঅ। মাত্তর্ ভেইলগ্, তমা ইধু আমার বিশেজ্ কোজোলি অলঅ তমার এই কোচ্‌পানাগান যেন আরঅ বেশ্ অয়।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

যিহোশূয় 19:46

মেয়র্কোণ, রক্কোন আর যাফোর মুজুঙোন্দি চাগালাগান্‌।