প্রেরিত্‌ 9:34 - Chakma Bible

³⁴ পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

প্রেরিত্‌ 9:34 ပူးပေါင်းရင်းမြစ်များ

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মথি লেখ্যে গম্ হবর্ 9:6

তুমি যেন কোই পারঅ এই পিত্‌‍থিমীত্ পাপ খেমা গুরিবার খেমতা মান্‌জ্য পুয়োবোর্ আঘে”-ইদ্দুর্ সং কোইনে তে সেই বেসৎ-পীড়েল্যেবোরে কলঅ, “উঠ্, তঅ বিচ্ছোনান্ তুলিনে ঘরত্ যাহ্।”

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

প্রেরিত্‌ 16:18

তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:16

এই যে মানুচ্চোরে তুমি দেগর্ আর যিবেরে তুমি চিনো, যীশু উগুরে বিশ্বেজর্ কারনে, যীশু নাঙর্ গুণে সে খেমতাগান পেইয়্যে। যীশুর মাধ্যমে যে বিশ্বেজ্‌চান এজে সেই বিশ্বেজ্‌চানই তমা বেক্কুনো মুজুঙোত্ তারে পুরোপুরি গুরি গম্ গুরি তুল্ল্যে।

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 9:33

সেই আদামত্ ঐনিয় নাঙে এক্কো মানুচ্‌ এলঅ। তে বেশৎ রুগে আট্ট্য বজর্ ধুরিনে বিচ্চোনত্ পড়ি এলঅ।

প্রেরিত্‌ 9:35

সেক্কে লুদ্দা আর শারোণ আদামর্ বেক্‌ মানুচ্চুনে ঐনিয়রে দেগিনে প্রভু ইন্দি ফিরিলাক্।