প্রেরিত্‌ 9:33 - Chakma Bible

³³ সেই আদামত্ ঐনিয় নাঙে এক্কো মানুচ্‌ এলঅ। তে বেশৎ রুগে আট্ট্য বজর্ ধুরিনে বিচ্চোনত্ পড়ি এলঅ।

প্রেরিত্‌ 9:33 ပူးပေါင်းရင်းမြစ်များ

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মার্ক 5:25

সেই ভিড়ো ভিদিরে এক্কো মিলে এলঅ যে বার বজর্ ধুরিনে মিলেপীড়েত্ ভুগের্।

মার্ক 9:21

যীশু তা বাব্‌‌পোরে পুযোর্ গুরিলো, “কয়দিন অলঅ তার্ এবাবোত্যে ওইয়্যে?” মানুচ্চো কলঅ, “চিগোনত্তুন্ ধুরি।

লূকে লেখ্যে গম্ হবর্ 13:16

সালে অব্রাহাম বংশর্ এই যে মিলেবোরে আদার বজর্ ধুরিনে শদানে বানি থোইয়্যে, সেই বান্যেত্তুন্ জিরেবার্ দিনোত্ কি তারে উদ্ধোর্ গরানা উচিত নয়?

যোহন 5:5

আটত্রিশ বজর্ ধুরিনে পীড়েত্ ভুগের্ সেবাবোত্যে এক্কো মানুচ্অ সিয়েনত্ এলঅ।

যোহন 9:1

পধেদি যেবার্ অক্তত্ যীশু এক্কো কানা মান্‌জ্যরে দেগিলো। তে জর্মত্তুন্ ধুরি কানা এলঅ।

যোহন 9:21

মাত্তর্ কেধোক্ক্যেন্ গুরি তে ইক্কিনে দেগের্ সিয়েন্ আমি কোই ন-পারিই; আর কন্না যে তা চোগ্‌কুন্ মেলি দিয়্যে সিয়েন্-অ কোই ন-পারিই। তার বয়চ্ ওইয়ে, তারেই পুযোর্ গরঅ। তে নিজো পৌইদ্যেনে নিজেই হোক্।”

প্রেরিত্‌ 14:8

লুস্ত্রা শঅরত্ এক্কো লেং মানুচ্‌ বৈই থেদঅ। তে জর্মত্তুন্ ধুরি লেং এলঅ আর কনদিন্অ ন-আঢে।

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 4:22

যে মানুচ্চো আমক্ অইদ্যে ধোক্ক্যেন গুরি গম্ ওইয়্যে তা বয়স্‌চান এলঅ চল্লিশ বজরত্তুন্অ বেশ্।

প্রেরিত্‌ 9:32

পিতরে বেক্ জাগানিত্ ঘুরি বেড়াদে বেড়াদে লুদ্দা আদামত্ গোজেনর যে মানুচ্চুন এলাক্ তারা ইধু এলঅ।

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।